ރައީސްގެ ތަސައްވުރާ އެއްގޮތަށް ކުޅުދުއްފުށި ސިޓީގައި ޑޮލަރު އޭޓީއެމްގެ ޚިދުމަތް ފަށައިފިއެވެ

ބޭންކް އޮފް މޯލްޑިވްސްއިން މިއަދު ހާމަކުރި ގޮތުގައި، މާލެ ސަރަޙައްދުން ބޭރުގެ ތިންވަނަ މަންޒިލެއްގެ ގޮތުން ކުޅުދުއްފުށި ސިޓީގައި ޑޮލަރު އޭޓީއެމްގެ ޚިދުމަތް ފަށާފައިވެއެވެ.

މިހާރު އެ ބޭންކުގެ ޑޮލަރު އޭޓީއެމްގެ ޚިދުމަތް ލިބެން ހުރި ތަންތަނުގެ ތެރޭގައި މާލެ، ހުޅުމާލެ، ވެލާނާ އިންޓަނޭޝަނަލް އެއަރޕޯޓް، އައްޑޫ ސިޓީ، ކ. މާފުށި އަދި ކުޅުދުއްފުށި ސިޓީ ހިމެނެއެވެ.

މިއަދުގެ ރަސްމިއްޔާތުގައި ޝަރަފުވެރި މެހުމާނުގެ ގޮތުގައި ވާހަކަފުޅު ދައްކަވަމުން، ޓޫރިޒަމް މިނިސްޓަރު ތޯރިޤް އިބްރާހީމް ވިދާޅުވީ، މި ޚިދުމަތް ފެށުމުން ކުޅުދުއްފުށިްފުށި ސިޓީގެ ރައްޔިތުންނާއި އެ ސަރަޙައްދުގައި ދިރިއުޅޭ އެހެނިހެން ރައްޔިތުންނަށް ގިނަގުނަ ފަސޭހަތަކެއް ލިބިގެންދާނެ ކަމަށެވެ. އަދި ރައީސް ޑރ. މުޙައްމަދައްމަދު މުޢިއްޒުގެ އަމާޒަކީ މުޅި ރާއްޖެއަށް ބޭންކުގެ ޚިދުމަތްތައް ފުޅާކުރެއްވުން ކަމުގައި އެ މަނިކުފާނު ފާހަގަކުރެއްވިއެވެ.

ރައީސް މުޢިއްޒު ވަނީ މި އަހަރު ނިމުމުގެ ކުރިން ރާއްޖޭގެ ހުރިހާ ރަށެއްގައި ބީއެމްއެލްގެ އޭޓީއެމް ބަހައްޓައި ޚިދުމަތް ފޯރުކޮށްދިނުމަށް ނިންމަވާފައެވެ. މި މަޝްރޫޢު ވަރަށް ހަލުވި ދުވެއްޔެއްގައި ކުރިއަށްދާކަން ފާހަގަކުރެވެއެވެ.