އައްޑޫސިޓީގެ ހަންކެޑެ ބްރިޖުގައި ހިނގި ނުރައްކާތެރި އެކްސިޑެންޓެއްގައި އެއް ފަރާތެއް ނިޔާވެއްޖެއެވެ.
މި ހިތާމަވެރި ހާދިސާ ހިނގާފައިވަނީ މިއަދު ހެނދުނުގެ ވަގުތެއްގައި ކަމަށް ފުލުހުން މަޢުލޫމާތު ދެއްވާފައިވެއެވެ. އެކްސިޑެންޓުގައި އަނިޔާވި ފަރާތް އައްޑޫ އިކުއިޓޯރިއަލް ހޮސްޕިޓަލަށް ގެންދެވުނު އިރު، އެފަރާތް ވަނީ ނިޔާވެފައި ކަމަށް ހޮސްޕިޓަލުން ވިދާޅުވެފައިވެއެވެ.
ފުލުހުންގެ ފަރާތުން ދެއްވާފައިވާ މަޢުލޫމާތުގައިވާ ގޮތުން، މި އެކްސިޑެންޓް ހިނގޓް ހިނގާފައިވަނީ މަރަދޫން ހިތަދޫއަށް ދުއްވަމުންދިޔަ ސައިކަލެއް ބާރު ސްޕީޑުގައި ދުއްވުމުގެ ސަބަބުން ކޮންޓްރޯލް ގެއްލި، ބްރިޖުގެ ފެންސުގައި ޖެހުމުގެ ސަބަބުންނެވެ.
މި ހާދިސާގައި ނިޔާވެފައިވަނީ ގ. ނައިޓް ޑްރީމްގެ، އުމުރުން 24 އަހަރުގެ ލީވާން ޢަބްދުއްސައްތާރު ކަމަށް ވަނީ ދެނެގަނެވިފައެވެ.
މި މައްސަލައިގެ ތަޙްޤީޤު ފުލުހުންގެ ފަރާތުން ކުރިއަށް ގެންދަވަމުންދާ ކަމަށް ވެސް މަޢުލޫމާތު ލިބިފައިވެއެވެ.
ކިޔުންތެރިންގެ ހިޔާލު