ހޯމް ލޭންޑް ސެކިއުރިޓީ މިނިސްޓަރު އަލީ އިހުސާނުގެ އިތުބާރު ނެތްކަމަށް ދައްކަން މަދު ސިޔާސީ ބަޔަކު އިސްވެތިބެ މަސައްކަތް ކުރަނީ، ރައީސް ޑރ. މުހައްމަދު މުއިއްޒުގެ ތަސައްވުރަށް ހުރަސްއަޅައި ގައުމުގެ ހަމަޖެހުން ނަގައިލަން ކަމަށް ނައިބު ރައީސް ހުސައިން މުހައްމަދު ލަތީފް ވިދާޅުވެއްޖެއެވެ.
މިއަދު އެކްސްގައި ކުރެއްވި ޕޯސްޓެއްގައި ނައިބު ރައީސް ވިދާޅުވީ ރައީސް މުއިއްޒުގެ ތަސައްވުރުގެ ތެރެއިން ބިދޭސީންގެ މައްސަލައާއި، މަސްތުވާތަކެތީގެ މައްސަލައާއި އަދި މިނޫންވެސް ގާނޫނާ ގަވާއިދާ ޚިލާފަށް ހިނގަމުންދާ ކުށުގެ އަމަލުތައް ހުއްޓުވުމަށް ހޯމް ލޭންޑް ސެކިޔުރިޓީ މިނިސްޓްރީން ގިނަ މަސައްކަތްތަކެއް ކުރަމުން ދާކަމަށެވެ.
އެ ކަންތައްތައް މީގެ ކުރިން ނުހިނގާ ބާރުމިނުގައި، ކާމިޔާބުކަމާއެކު ހިނގަމުންދާކަމީ ދިވެހި ރައްޔިތުން ހެކިވާނެ ކަމެއް ކަމަށް ވެސް އެމަނިކުފާނު ވިދާޅުވިއެވެ.
އެމަނިކުފާނު ވިދާޅުވީ ރައީސްގެ ތަސައްވުރަށް ހުރަސް އަޅައި ގައުމުގެ ހަމަޖެހުން ނަގައިލުމުގެ ބޭނުމުގައި މިނިސްޓަރުގެ އިތުބާރު ނެތްކަމަށް ދައްކަން ބަޔަކު މަސައްކަތް ކުރާކަމަށެވެ.
މިނިސްޓަރު އިހްސާންގެ އިތުބާރު ނެތް ކަމަށް ހުށަހެޅިޔަސް މަޖިލީހުން ފާސްވީ އެމަނިކުފާނުގެ އިތުބާރު އޮތް ކަމަށެވެ.
ކިޔުންތެރިންގެ ހިޔާލު