ސިއްހީ ދާއިރާގައި އެއްބާރުލުން އިތުރުކުރުމަށް ރާއްޖޭގެ ސިއްހަތާބެހޭ ވަޒީރު އަލްފާޟިލް އަބްދުﷲ ނާޒިމް އިބްރާހީމް އިންޑިއާގެ ސިއްހަތާބެހޭ ވަޒީރާ މަޝްވަރާ ބައްދަލުވުމެއް ބާއްވައިފިއެވެ.
ސިއްހަތާބެހޭ ވުޒާރާއިން މަޢުލޫމާތު ދެއްވިގޮތުގައި، މިނިސްޓަރ ނާޒިމް އިންޑިއާގެ ސިއްހަތާބެހޭ ވަޒީރު ޑރ. ޖަގަތު ޕްރަކާޝް ނައްޑާއާ ބައްދަލުކުރައްވައި، ސިއްހީ ދާއިރާގައި ދެޤައުމުގެ މެދުގައި އެއްބާރުލުން އިތުރުކުރުމާ ގުޅޭގޮތުން ފުޅާ ދާއިރާއެއްގައި މަޝްވަރާކުރެއްވިއެވެ. މި މަޝްވަރާތަކުގައި ބޭސްފަރުވާގެ ކަންކަމާއި، ނަފްސާނީ ޞިއްޙަތާއި، ޑިޖިޓަލް ޓެކްނޮލޮޖީ އަދި އިންސާނީ ވަސީލަތް ތަރައްޤީކުރުމާ ގުޅޭ މައުޟޫތަކަށް އިސްކަންދެވުނެވެ.
މި ބައްދަލުވުމަކީ ދެޤައުމުގެ މެދުގައި ސިއްހީ ދާއިރާގެ ގުޅުން ބަދަހިކޮށް، އެ ދާއިރާގެ ފެންވަރު މަތިކުރުމަށް އަމާޒުކޮށްގެން ބޭއްވުނު މުހިންމު ބައްދަލުވުމެކެވެ.
މި ބައްދަލުވުން ބޭއްވުނީ އިންޑިއާގެ ވެރިރަށް ނިއު ދިއްލީގައި ބޭއްވުނު ގްލޯބަލް ހެލްތު ޑައިލޮގްގައި ބައިވެރިވެވަޑައިގަތުމަށް މިނިސްޓަރ ނާޒިމް އިންޑިއާއަށް ކުރެއްވި ރަސްމީ ދަތުރުފުޅުގެ ތެރެއިންނެވެ.
މިނިސްޓަރގެ މި ދަތުރުފުޅު ނިންމަވައި، މިއަދު ރާއްޖެ ވަޑައިގަތުމަށް ހަމަޖެހިފައިވާކަން ފާހަގަކުރަމެވެ.
Minister @ANazim2019 met with India’s Minister of Health & Family Welfare, @JPNadda , to discuss areas of support and collaboration in the health sector, including mental health and digital health. The meeting focused on strengthening partnerships to enhance healthcare services. pic.twitter.com/TDEDz0evVa
— Ministry of Health (@MoHmv) February 23, 2025
ކިޔުންތެރިންގެ ހިޔާލު