ލ. މާބައިދޫ ކައުންސިލް މެމްބަރު ހަސަން ޒަރީރު ނިޔާވެއްޖެއެވެ.
ކުއްލިގޮތަށް ޒަރީރު މިރޭ ނިޔާވީ ހާޓްއެޓޭކެއް ޖެހިގެންނެވެ. އެ ރަށު ހެލްތު ޕޯސްޓަށް ގެންދިޔައިރު ވެސް އޭނާ ނިޔާވެފައިވާ ކަމަށް އެ ރަށުން ވާހަކަދެއްކި މީހަކު މައުލޫމާތުދެ އެވެ.
އިސްދޫ ދާއިރާގެ މަޖިލިސް މެމްބަރު އިސްމާއީލް ޝަފީއު ފޭސްބުކުގައި ލިޔުއްވި ގޮތުގައި ޒަރީރަކީ އޭނާގެ ގާތް އެކުވެރިއެކެވެ.
ޒަރީރު މިދުނިޔެއާ ވަކިވި ޚަބަރަކީ ގަބޫލުކުރަން ދަތިވި ނުހަނު އަސަރު ކުރުވި ޚަބަރެއް ކަމަށް އޭނާ ވިދާޅުވިއެވެ.
އޭނާގެ ސިޔާސީ ހަޔާތުގައި ވެސް ވަރަށް ގާތްކޮށް އުޅުއްވި ޒަރީރަކީ މާބައިދޫގެ ގިނަ ރައްޔިތުންގެ ލޯބި އަބަދުވެސް އޮންނަ ބޭފުޅެއް ކަމަށް މެންބަރު އިސްމާއީލް ޝަފީއު ވިދާޅުވި އެވެ.
ކިޔުންތެރިންގެ ހިޔާލު