މިއަދު ހެނދުނު ހުޅުމާލެއާއި މާލެ ގުޅައިލަދޭ ހައިވޭގައި ހިނގި އެކްސިޑެންޓެއްގައި މީހަކު ނިޔާވެއްޖެެއެވެ.
ފުލުހުން ބުނީ މި އެކްސިޑެންޓް ހިނގައިފައިވަނީ މިއަދު ހެނދުނު 8:19 ހާއިރު ހުޅުމާލެއިން މާލެއަށް އަންނަ ހައިވޭގައި ހުންނަ ސޯލާޕެނަލްތައްކައިރިން ކަމަށެވެ.
ސައިކަލުގައި ދުއްވައިފައި ދިޔަ އެ މީހާ ޖެހުނީ އެ ތަނުގައި މަސައްކަތްކުރާކަން އަންގައިދިނުމަށް ބަހައްޓައިފައިވާ ކޯނެއްގަވެ.
އެ މީހާ ނިޔާވީ އައިޖީއެމްއެޗްގައި ފަރުވާދެމުން ދަނިކޮށް މިއަދުގެ 9:05 ހާއިރުއެވެ. ނިޔާވެފައިވަނީ ބަންގްލަދޭޝްގެ ރައްޔިތެކެވެ.
އެކްސިޑެންޓިވި ފަހުން އެ ސަރަހައްދުން ދަތުރުކުރި މީހަކު ފޭސްބުކުގައި ލިޔެފައިވާގޮތުގައި އެވަގުތު އެތަނުގައި ލޭގެ ކޯރެއް ދެމިފައި އޮތް ކަމަށެވެ.
“ކޯނެއްގައި ޖެހިގެން މަރުވިކަމަށް ބުންޏަސް ބޮޑަށް ލަފާކުރެވެނީ ބާރު ސްޕީޑުގައި ދުއްވާފައި ދަނިކޮށް ކުއްލިއަކަށް ކޯނުތައް ފެނި އެކްސިޑެންޓްވީ ކަމުގައެވެ،” އޭނާ ލިޔެފައިވެއެވެ.
ހައިވޭގައި ކޯނު ބަހައްޓާނަމަ އެއާ ކައިރިއަށް ދިޔުމުގެކުރިން އެކަން އެނގޭގޮތެއް އޮތުން މުހިންމު ކަމަށް އެ މީހާ ބުންޏެވެ.
ކިޔުންތެރިންގެ ހިޔާލު