އިލެކްޝަންސް ކޮމިޝަން (އީސީ) އަށް ދެ މެމްބަރަކު އައްޔަނު ކުރުމަށް މަޖިލީހުން ރުހުންދީފިއެވެ.
މަޖިލީހުން އެގޮތަށް ފާސްކޮށްފައިވަނީ މިއަދު ބޭއްވި ޖަލްސާގައެވެ. އެގޮތުން އީސީގެ މެމްބަރުކަމަށް އައްޔަނު ކުރުމަށް ފާސްކޮށްފައިވަނީ އަބްދުއްރަޙްމާން ސަލާޙު ރަޝީދު އަދި މުހައްމަދު ޒާހިދުއެވެ.
އެއީ އީސީގެ މެންބަރުކަމަށް ހޮވުމަށް ރައީސަށް ފެނިވަޑައިގަންނަވާ ދެ ބޭފުޅެއްގެ ނަމާއި މައުލޫމާތު މަޖިލީހާ ހިއްސާ ކުރެއްވުމުން މަޖިލީހުން ބަލަންޖެހޭ ކަންކަން ބެލުމަށްފަހުއެވެ.
އެ ދެބޭފުޅުން އީސީގެ މެމްބަރުކަމަށް އައްޔަނު ކުރުމަށް ފެންނަކަމަށް 68 މެމްބަރަކު ވަނީ ވޯޓު ދެއްވާފައެވެ.
އީސީގެ ދެ މަގާމެއް ހުސްވެފައިވަނީ އެ ކޮމިޝަންގެ ނައިބުރައީސްގެ މަގާމުގައި ހުންނެވި އަލީ ނަޝާތު އާއި މެންބަރު މުހައްމަދު އާސިފް މަގާމުން ވަކިކުރަން ރައްޔިތުންގެ މަޖިލީހުން ފާސްކުރުމުންނެވެ.
ކިޔުންތެރިންގެ ހިޔާލު