ސެންޓަރ ފޯރ ހަޔަރ ސެކަންޑްރީ އެޑިއުކޭޝަން، (ސީއެޗްއެސްއީ) މާލެއަށް އިތުރުކުރާ ބައިގެ މަސައްކަތް ޔެސް މޯލްޑިވްސް ޕްރައިވެޓް ލިމިޓެޑާ މިއަދު ހަވާލުކޮށްފިއެވެ.
މިއަދު ބޭއްވި ރަސްމިއްޔާތުގައި މި އިމާރާތް އެޅުމުގެ އެއްބަސްވުމުގައި އެޑިޔުކޭޝަން މިނިސްޓްރީގެ ފަރާތުން ސޮއިކުރެއްވީ ވަޒީރު ޑރ. އިސްމާޢީލް ޝަފީޢުއެވެ. އަދި ޔެސް މޯލްޑިވްސްގެ ފަރާތުން ސޮއިކުރެއްވީ އެކުންފުނީގެ ޑިރެކްޓަރު، އަހުލާމް ރުޝްދީއެވެ.
ސީއެޗްއެސްއީ މާލޭގެ ދެކުނު ފަރާތުގައި އޮތް ހުސްބިމުގައި 7 ފަންގިފިލައަށް އިމާރާތް ކުރާބައިގެ މަސައްކަތް ޔެސް މޯލްޑިވްސްއާ ހަވާލުކުރީ 51.6 މިލިޔަން ރުފިޔާއަށެވެ.
މި އެއްބަސްވުމުގެ ދަށުން ސީއެޗްއެސްއީގެ އެނެކްސް އިމާރާތް ކުރަނީ 7 ފަންގިފިލާއަށެވެ.
މި އިމާރާތުގައި ހުންނާނީ، 15 ކުލާސްރޫމާއި 4 ސައިންސް ލެބާއި ސްޓާފް ރޫމަކާއި ލީޑިން ޓީޗަރުންނަށް ޚާއްޞަ ރޫމެއްގެ އިތުރުން އެޑްމިނިސްޓްރޭޝަން އޮފީހެކެވެ.
ހުޅުމާލޭގައި ވެސް ޒަމާނީ ފެންވަރަށް އިމާރާތްކޮށްފައިވާ ސީއެޗްއެސްއީގެ ސްކޫލެއް ހުރެއެވެ.
ކިޔުންތެރިންގެ ހިޔާލު