ހުޅުމާލޭގެ ފޭސް އެކެއް، ފޭސް ދޭއް އަދި ވިލިމާލޭގައި ސްޕޯޓްސް ކޮމްޕްލެކްސްއެއް ގާއިމްކުރުމަށް ސޮއިކޮށްފިއެވެ.
ގްރޭޓާ މާލޭގެ އެ ތިން ސަރަހައްދުގައި ސްޕޯޓްސް ކޮމްޕްލެކްސް ގާއިމްކުރުމަށް ސަރުކާރުގެ ފަރާތުން ހަވާލުކޮށްފައިވަނީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އަށެވެ.
ކުޅިވަރާއި ބެހޭ ވުޒާރާއިން ވިދާޅުވީ، ހުޅުމާލެ ފޭސް އެކެއް، ފޭސް ދޭއް އަދި ވިލިމާލެ ސްޕޯޓްސް ކޮމްޕްލެކްސް ގާއިމުކުރުމުގެ އެއްބަސްވުމުގައި އެމްއޭސީއެލް އާއިއެކު އިއްޔެ ވަނީ ސޮއިކޮށްފައި ކަމަށެވެ.
އެ އެއްބަސްވުމުގައި ކުޅިވަރާއި ހަށިހެޔޮކަމާ ބެހޭ ވުޒާރާގެ ފަރާތުން ސޮއިކުރެއްވީ ވަޒީރު އަބްދުﷲ ރާފިއު ކަމަށާއި އަދި އެމްއޭސީއެލްގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އަދި މެނޭޖިން ޑިރެކްޓަރު އިބްރާހިމް ޝަރީފް މުހައްމަދު ކަމަށް ވިދާޅުވިއެވެ.
ރާއްޖޭގެ އެކި ސަރަހައްދުގައި ސްޕޯޓްސް ކޮމްޕްލެކްސް ގާއިމްކޮށް ރައްޔިތުންނަށް ކުޅިވަރު ކުޅުމުގެ ފުރުސަތު ފަހިކޮށްދިނުމަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވަރަށް މުހިންމު ވައުދެކެވެ.
ކިޔުންތެރިންގެ ހިޔާލު