މަސްވެރިންގެ ދުވަހާ ދިމާކޮށް ބޮޑުކަންނެލި މަސްވެރި މަސް ދޯނިތަކުގެ ކުރި މުޒާހަރާގެ ތެރެއިން ހައްޔަރުކުރި ކެންދޫ ދާއިރާގެ މެންބަރު މައުރޫފް ޒާކިރުގެ ބަންދަށް ފަސް ދުވަސް ޖަހައިފިއެވެ.

މިދިޔަ ބުދަ ދުވަހުން ފެށިގެން ކުރަމުން ދިޔަ މުޒާހަރާ ބާރުގެ ބޭނުންކޮށްގެން އިއްޔެ ރޫޅާލައި ފުލުހުން ވަނީ މައުރޫފް ހިމެނޭހެން ބައެއް މަސްވެރިން ހައްޔަރުކޮށްފައެވެ.

އެ މައްސަލައާ ގުޅިގެން މައުރޫފްގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް މިއަދު ވަނީ ހާޒިރުކޮށްފައެވެ. އަދި ކޯޓުން ވަނީ މައުރޫފްގެ ބަންދަށް ފަސް ދުވަސް ޖަހައިފައެވެ.

މައުރޫފްއަކީ މަސްވެރިންގެ ޔޫނިއަންގެ ޖެނެރަލް ސެކެޓްރީ ވެސް މެއެވެ.

މައުރޫފް ހައްޔަރުކުރުމާ ގުޅިގެން، އޭނާ ދޫކޮށްލަން އެމްޑީޕީން އަންނަނީ ގޮވާލަމުންނެވެ.

މައުރޫފް ހައްޔަރުކުރި މައްސަލަ އެމްޑީޕީން ވަނީ އިންޓަ ޕާލިމެންޓަރީ ޔޫނިއަން (އައިޕީޔޫ)އަށް ވެސް ހުށަހަޅައިފައިއެވެ.