ޓެކްސް އެޕީލް ޓްރައިބިއުނަލްގެ މެންބަރުކަމަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު 5 ބޭފުޅަކު ޢައްޔަންކުރައްވައިފިއެވެ.
ޓެކްސް އެޕީލް ޓްރައިބިއުނަލްގެ މެންބަރުކަމަށް ރައީސުލްޖުމްހޫރިއްޔާ ޢައްޔަންކުރެއްވި ބޭފުޅުންނަކީ: ޙަސަން ނާޞިޙް އަޙްމަދު (ސ. ހިތަދޫ / މާވަހި)، އަލްއުސްތާޛާ އުސާމާ މޫސާ (ށ. ކޮމަންޑޫ / ޗަމަން)، އަލްއުސްތާޛާ ޢާއިޝަތު ޢި (ހމ. ފްލެޓް ނަންބަރު 02-2-88)، އަލްއުސްތާޛާ ޝިފްޒާ ޢަބްދުލްޤައްޔޫމް (ގއ. ނިލަންދޫ / ގަސްދޮށުގެ)، އަދި އަލްފާޟިލް އަޙްމަދު ޔާމީން (ގދ. ގައްދޫ / ބީޗްކޯނަރ) އެވެ.
ޓެކްސް އެޕީލް ޓްރައިބިއުނަލްގައި ކުރީން ތިއްބެވި 5 މެންބަރުންގެ މުއްދަތު ވަނީ ހޮނިހިރު ދުވަހަށް ހަމަވެފައެވެ. ވުމާ އެކު، ރައީސުލްޖުމްހޫރިއްޔާ ވަނީ އާ މެންބަރުން ޢައްޔަންކުރައްވާފައެވެ.
ޓެކްސް އެޕީލް ޓްރައިބިއުނަލަކީ ޓެކްސް ނެގުމާ ގުޅޭ އިދާރީ ޤާނޫނުގެ ދަށުން، ޓެކްސްއާ ގުޅޭ މައްސަލަތައް ބެލުމަށް އުފައްދާފައިވާ ޚާއްޞަ މުއައްސަސާއެކެވެ.
ކިޔުންތެރިންގެ ހިޔާލު