ޕެންޝަން އޮފީހުގެ ޗީފް ފައިނޭންޝަލް އޮފިސަރު (ސީއެފްއޯ) ހައްވާ ފަޖުވާ، މަގާމުން އިސްތިއުފާ ދެއްވައިފިއެވެ.
އޭނާގެ ލިންކެޑިން އެކައުންޓުން ކޮށްފައިވާ ޕޯސްޓެއްގައި ވިދާޅުވީ މަގާމުން އިސްތިއުފާ ދެއްވަން ނިންމެވީ ވަރަށް ފުންކޮށް އެކަމާމެދު ވިސްނެވުމަށް ފަހު ކަމަށެވެ. ނަމަވެސް އިސްތިއުފާ ދެއްވި ސަބަބެއް އޭނާ ހާމައެއް ނުކުރެއެވެ.
ޕެންޝަން އޮފީހުގެ ބޯޑުން އަހުމަދު ސަރުވަޝް އާދަމް ވެސް ވަނީ ދާދިފަހުން އިސްތިއުފާދެއްވާފައެވެ.
ޕެންޝަން އޮފީސް މެދުވެރިކޮށް ފައިސާ ޗާޕް ކުރަން އުޅޭ ކަމަށް އިދިކޮޅު ފަރާތްތަކުން ތުހުމަތު ކުރެއެވެ. ނަމަވެސް އެފަދަ ކަމެއް ނުކުރާ ކަމުގެ ޔަގީންކަން ރައީސް ޑރ. މުހައްމަދު މުއިއްޒު ވަނީ ދެއްވާފައެވެ.
ރާއްޖޭގެ ޕެންޝަނާ ބެހޭ އެންމެހައި ކަންކަން ބަލަހައްޓަމުން އަންނަނީ ޕެންޝަން އޮފީހުންނެވެ. އެއީ މިނިވަންކަމާއެކު ހިންގަމުން އަންނަ ދައުލަތުގެ އިދާރާއެކެވެ.
ކިޔުންތެރިންގެ ހިޔާލު