އެމެރިކާގެ ކުރީގެ ނައިބު ރައީސް ކަމަލާ ހެރިސްއަށް ސީކްރެޓް ސާވިސް އިން ފޯރުކޮށްދެމުންދިޔަ ރައްކާތެރިކަން ކަނޑާލައިފިއެވެ.
އެމެރިކާގެ ގާނޫނު ބުނާގޮތުން ނައިބު ރައީސަކަށް ހުންނެވި ބޭފުޅާގެ ދައުރު ހަމަވާތާ ފުރަތަމަ ހަ މަސްދުވަހުގެ ތެރޭގައި އެ ބޭފުޅަކަށް ސީކްރެޓް ސާވިސްގެ ރައްކާތެރިކަން ލިބޭނެއެވެ. ކަމަލާއަށް ގާނޫނުގައި އެ ބުނާ މުއްދަތު މިދިޔަ ޖުލައި މަހުގެ ތެރޭގައި ވަނީ ހަމަވެފައެވެ.
ކަމަލާއަށް ފޯރުކޮށްދޭ ރައްކާތެރިކަން އިތުރު އެއް އަހަރު ދުވަހަށް އިތުރުކުރުމަށް ނިންމަވާފައިވަނީ، އޭރު ރައީސަކަށް ހުންނެވި ޖޯ ބައިޑަންގެ ސިޓީފުޅަކުންނެވެ.
ރިޕޯޓުތައް ބުނާގޮތުގައި ބައިޑަންގެ އެ ނިންމެވުން ބަދަލުކުރައްވަން، މިހާރުގެ ރައީސް ޑޮނަލްޑް ޓްރަމްޕް ވަނީ ނިންމަވައިފައެވެ.
ކަމަލާއަކީ ނައިބު ރައީސްކަމުގެ މަގާމުގައި ހުންނެވި އިރު، ގިނަ އިންޒާރުތަކެއް ލިބެމުންދިޔަ ބޭފުޅެކެވެ.
ކިޔުންތެރިންގެ ހިޔާލު