އައިޖީއެމްއެޗް އާއި ދަރުމަވަންތަ ހޮސްޕިޓަލާއި ހުޅުމާލެ ހޮސްޕިޓަލާއި ވިލިމާލެ ހޮސްޕިޓަލް އަދި މޯލްޑިވްސް ބްލަޑް ސާވިސްއަށް ޒިޔާރަތްކުރާ ބަލިމީހުންނާއި އެ މީހުންގެ އެހީތެރިންނަށް މަރުހަބާ ކިޔައި، އެހީތެރިވުމަށް ”ޕޭޝަންޓް ސަޕޯޓް ކޯޑިނޭޓަރ“ ގެ މަޤާމަށް 55 މީހުން ހޯދުމަށް އައިޖީއެމްއެޗުން އިޢުލާންކޮށްފިއެވެ.
އައިޖީއެމްއެޗުން މަޢުލޫމާތު ދީފައިވާ ގޮތުގައި، މި މަޤާމަށް ކުރިމަތިލާ ފަރާތްތަކުގެ އިންޓަވިއު މާދަމާއިން ފެށިގެން މި މަހުގެ 30 ވަނަ ދުވަހުގެ ނިޔަލަށް ކުރިއަށް ގެންދާނެއެވެ.
މި މަޤާމަށް ކުރިމަތިލުމުގެ ސުންގަޑިއަކީ މި މަހުގެ 29 ވަނަ ދުވަހުގެ މެންދުރު 2:00 އެވެ.
މި މަޤާމަށް ކުރިމަތިލާ ފަރާތްތަކުގައި ހުންނަންޖެހޭ ޝަރުތުތަކުގެ ތެރޭގައި ގްރޭޑް 10 ނިންމާފައިވުން ނުވަތަ ގްރޭޑް 7 ނިންމުމާއެކު، ގުޅުންހުރި ދާއިރާއަކުން ހަތަރު އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން ހިމެނެއެވެ.
ޕޭޝަންޓް ސަޕޯޓް ކޯޑިނޭޓަރުންގެ މައިގަނޑު މަސްއޫލިއްޔަތުތަކުގެ ތެރޭގައި ހޮސްޕިޓަލަށް ޒިޔާރަތްކުރާ ބަލިމީހުންނާއި އެހީތެރިންނަށް މަރުހަބާ ކިޔުމާއި މަގުދެއްކުން، ކުރިމަތިވާ މައްސަލަތަކަށް ވަގުތުން އެހީތެރިކަން ފޯރުކޮށްދިނުން، އަދި އޯގާތެރިކަމާއި ހަމްދަރުދީވުމާއިއެކު މުޢާމަލާތްކުރުން ހިމެނެއެވެ.
ޕޭޝަންޓް ސަޕޯޓް ކޯޑިނޭޓަރުގެ މަގާމަށް ކުރިމަތިލާން ބޭނުންވާ މީހުން ސީވީ އާއި އައިޑީ ކާޑާއި ތައުލީމީ ސެޓްފިކެޓުތަކާއި ވަޒީފާގެ ތަޖުރިބާގެ ސިޓީތައް ހުށަހަޅަން ޖެހެނީ [email protected] އަށް ކަމަށް އައިޖީއެމްއެޗުން ބުނެފައިވެއެވެ.
ކިޔުންތެރިންގެ ހިޔާލު