ރާއްޖެ އާއި އިންޑިއާއާ ދެމެދުގައި މިނިވަން ވިޔަފާރީގެ އެއްބަސްވުން ނުވަތަ ފްރީ ޓްރޭޑް އެގްރީމެންޓް (އެފްޓީއޭ) ހަދަން މަޝްވަރާކުރަމުން އަންނަ ކަމަށް އެ ގައުމުގެ ސަރުކާރުން މިއަދު ހާމަކޮށްފިއެވެ.
މޯދީ ރާއްޖެ ވަޑައިގަންނަވަން ހަމަޖެހިފައިވަނީ މި މަހު 25 އިން 26 އަށެވެ.
އިންޑިއާގެ ފޮރިން ސެކްރެޓަރީ ވިކްރަމް މިސްރީ މިއަދު ވިދާޅުވީ މަސައްކަތް ކުރަމުންދަނީ މޯދީ ރާއްޖެ ވަޑައިގަތުމުގެ ކުރިން އެފްޓީއޭ ހެދުމަށް ކަމަށެވެ.
އޭނާ ވިދާޅުވީ މިނިވަން ވިޔަފާރީގެ އެއްބަސްވުމެއްގެ އިތުރުން އިންވެސްޓްމަންޓް ޓްރީޓީއެއް ހަދަން ދެ ގައުމުގެ ދެމެދުގައި މަޝްވަރާކުރަމުން އަންނަ ކަމަށެވެ.
އެކަމުގެ އިތުރު ތަފްސީލެއް އޭނާ ނުދެއްވައެވެ.
ދެ ގައުމުގެ ގުޅުން އިތުރަށް ފުޅާކޮށް، އިޔާދަކުރަނިވި ހަކަތަ ފަދަ ދާއިރާތަކުން ގުޅުން ބަދަހިކުރަން ވެސް ދެ ގައުމުން އަންނަނީ މަޝްވަރާކުރަމުންނެވެ.
ކިޔުންތެރިންގެ ހިޔާލު