މަރުކަޒީ ބޭންކު އެމްއެމްއޭގެ އަމާޒަކީ ކުދި އަދި މެދުފަންތީގެ ވިޔަފާރިތަކަށް ބޭންކުތައް މެދުވެރިކޮށް ވިއްކާ ޑޮލަރުގެ އަގު 50 ޕަސަންޓަށް އިތުރުކުރުން ކަމަށް އެމްއެމްއޭ އިން ބުނެފިއެވެ.
އެމްއެމްއޭ އިން ބުނީ ބޭރު ފައިސާއާ ބެހޭ ގާނޫނުގެ ދަށުން ބޭންކުތަކަށް ޑޮލަރު މާރުކުރަން ފެށި ފަހުން މި އަހަރުގެ ޖޫން މަހުގެ ނިޔަލަށް 362 މިލިއަން ޑޮލަރު ބޭންކުތަކަށް މާރުކޮށްފައިވާ ކަމަށެވެ.
ބޭރު ފައިސާއާ ބެހޭ ގާނޫނު އައި ފަހުން ރާއްޖޭގެ ބޭންކުތަކަށް ޑޮލަރު ވަންނަ ރޭޓު 21 ޕަސަންޓު އިތުރުވެފައިވާ ކަމަށާއި މިދިޔަ ހަތަރު އަހަރު އެ އަދަދު ހުރީ 10 ޕަސަންޓުގައި ކަމަށް އެމްއެމްއޭ އިން ބުންޏެވެ.
މި ސަރުކާރުން ވަނީ ޓޫރިޒަމް ވިޔަފާރިތަކުން ވަކި އަދަދަކަށް ޑޮލަރު މާރުކުރަން ޖެހޭ ގޮތަށް ބޭރު ފައިސާއާ ބެހޭ ގާނޫނަށް އިސްލާހު ގެނެސްފައެވެ.
ކިޔުންތެރިންގެ ހިޔާލު