ގދ. ތިނަދޫ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ރައީސާ ޖީޒާ ހަސަން މާލޭގައި ދިރިއުޅެމުން ތިނަދު ކައުންސިލްގެ ބަޖެޓުން ގިނަ އަދަދެއްގެ ފައިސާ އެލަވަންސްގެ ގޮތުގައި ނެގިކަން ހާމަވެއްޖެއެވެ.
އިދިކޮޅު އެމްޑީޕީއަށް ނިސްބަތްވާ ޖީޒާ އެ ފައިސާ ނެގިކަން ހާމަވީ އެލްޖީއޭ އިން މިއަދު ނެރުނު ރިޕޯޓަކުންނެވެ.
ކައުންސިލަރުންނާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ މެންބަރުންނަކީ ރަށުގައި ތިބެގެން ޚިދުމަތް ކުރަންޖެހޭ ބައެކެވެ. ނަމަވެސް މާލޭގައި ހުރެ ބައްދަލުވުންތަކުގައި ޖީޒާ ބައިވެރިވަނީ އޮންލައިން ކޮށެވެ.
ނުހައްގުން ޖީޒާ ނެގި ފައިސާ ދެ މަސް ދުވަހުގެ ތެރޭގައި ދައުލަތަށް ދައްކައި ޚަލާސްކުރުމަށް ވެސް އެލްޖީއޭ އިން މިއަދު ވަނީ އޭނާއަށް އަންގާފައެވެ.
މީގެއިތުރުން އެލްޖީއޭ އިން ވަނީ ތިނަދޫ ކައުންސިލް މެންބަރު އައިޝަތު ލިޔުޝާ ޒުބައިރު ފިޔަވައި އެހެން ހުރިހާ ކައުންސިލަރުން ވެސް ނުހައްގުން ފައިސާ ނެގި ކަމަށް ބުނެފައެވެ. ތިނަދޫ ސިޓީއަކަށް ބަދަލުވުމުގެ ކުރިން ތިމަންނާ މެންނަކީ ސިޓީ ކައުންސިލްގެ މެންބަރުން ކަމަށް އަމިއްލައަށް ނިންމައި ސިޓީ ކައުންސިލަރުންގެ މުސާރަ އެ ބޭފުޅުން ވަނީ ނަންގަވާފައެވެ.
ކިޔުންތެރިންގެ ހިޔާލު