ފްރޯޑް އެންޑް ފައިނޭންޝަލް އިންވެސްޓިގޭޝަނުން ތަހުގީގު ކުރަމުންދާ, ސައްހަނޫން ޓްރާންސްފަރ ސްލިޕް ފޮނުވާފައިވާ މައްސަލައެއްގައި ޒުވާން އަންހެނަކު ފުލުސް އޮފީހަށް ހާޒިރުވާން އަންގައިފިއެވެ.

އެގޮތުން ހާޒިރުވާން އަންގާފައިވާ މީހަކީ، ހދ. މަކުނުދޫ / ލުބޯގަސްދޮށުގެ، ޢާއިޝަތު މަލީހާ (22އ) (އައިޑީކާޑް ނަންބަރ : A324096) އެވެ.

ފުލުހުން ބުނީ، މައްސަލައިގެ ތަހުގީގަށް އޭނާ ހާޒިރުކުރަން ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ ކަމަށެވެ.

އެހެންކަމުން، ތުހުމަތުވާ މައްސަލައިގެ ތަހުގީގަށް ކުރަންޖެހޭ ސުވާލުކުރުމަށް ފުލުސް އޮފީހަށް ހާޒިރުވާން އަންގާކަމަށް ބުނެފައިވެއެވެ.

އެގޮތުން، ޖޫން 18 ވަނަ ދުވަހުގެ 10:00 އަށް ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގ އަށް ހާޒިރުވާން މާލީހާއަށް ވަނީ އަންގާފައެވެ.