އެސްޓީއޯއަށް މިދިޔަ އަހަރު ލިބުނު ފައިދާ އިން ހިއްސާއަކަށް 80 ރުފިޔާ ބަހަން ނިންމައިފިއެވެ.
މިދިޔަ އަހަރު ލިބުނު ފައިދާ އިން ހިއްސާއަކަށް 80 ރުފިޔާ ބަހަން ނިންމާފައިވަނީ ނަސަންދުރާގައި މިރޭ ބޭއްވި އެސްޓީއޯގެ އަހަރީ އާންމު ޖަލްސާގައެވެ.
އަހަރީ އާންމު ޖަލްސާގައި، ހިއްސާއަކަށް 80 ރުފިޔާ ބަހަން ފާސްވީ ޖަލްސާގައި ބައިވެރިވި މީހުންގެ 99.9 ޕަސެންޓް ވޯޓުންނެވެ. ޖަލްސާގައި ހިއްސާދާރުންގެ ތެރެއިން ބައިވެރިވީ 229 ހިއްސާދާރެކެވެ.
އެސްޓީއޯ އިން 2023 އަހަރުގެ ފައިދާ އިން ވެސް ބަހަން ނިންމާފައިވަނީ ހިއްސާއަކަށް 80 ރުފިޔާއެވެ. އެއީ ފާއިތުވި 11 އަހަރުގެ ތެރޭގައި އެ ކުންފުނިން ހިއްސާއަކަށް ބަހަން ނިންމި އެންމެ ބޮޑު އަދަދެވެ.
އެސްޓީއޯ އަށް މިދިޔަ އަހަރު އާމްދަނީގެ ގޮތުގައި ލިބުނީ 15 ބިލިއަން ރުފިޔާއެވެ. އެއީ އޭގެ ކުރީ އަހަރު ލިބުނު އާމްދަނީއާ އަޅައިބަލާއިރު ހަ ޕަސެންޓް މަދު އަދަދެކެވެ.
މިދިޔަ އަހަރު ފައިދާގެ ގޮތުގައި އެސްޓީއޯއަށް ވަނީ 2.4 ބިލިއަން ރުފިޔާ ލިބިފައެވެ. އަދި ޓެކުހަށް ކެނޑުމަށްފަހު ސާފު ފައިދާއަށް ލިބުނީ 717 މިލިއަން ރުފިޔާއެވެ.
