މޯލްޑިވްސް އިމިގްރޭޝަންއިން އިޢުލާނުކުރެއްވި ގޮތުގައި، އެ އިދާރާގެ ރަސްމީ މަސައްކަތު ގަޑި ސިވިލް ސަރވިސްގެ ރަސްމީ މަސައްކަތު ގަޑިއާ އެއްގ އެއްގޮތަށް ބަދަލުކުރެވިފައިވެއެވެ. މި ބަދަލާ އެކު، މިއަދުން ފެށިގެން އިމިގްރޭޝަންގެ ރަސްމީ މަސައްކަތު ގަޑިއަކީ ހެނދުނު 8:00 އިން މެންދުރުފަހު 2:00 އަށެވެ.
ކުރިން އިމިގްރޭޝަންގެ ރަސްމީ މަސައްކަތު ގަޑިއަކީ ހެނދުނު 8:00 އިން ހަވީރު 4:00 އަށް ކަމުގައި ވީނަމަވެސް، މި އައު ބަދަލާއެކު ރަސްމީ މަސައްކަތު ވަގުތު 8 ގަޑިއިރުން 6 ގަޑިއިރަށް ކުރުވެގެންދާނެއެވެ.
އިމިގްރޭޝަނުން އިތުރަށް ހާމަކުރެއްވި ގޮތުގައި، ރަސްމީ މަސައްކަތު ގަޑިއަށް މި ބަދަލު ގެނެވުނު ނަމަވެސް، މިހާރު ޚިދުމަތް ފޯރުކޮށްދެމުންދާ ގަޑިތަކަށް އެއްވެސް ބަދަލެއް ނާންނާނެއެވެ. އެހެންކަމުން، ޕާސްޕޯޓު ހެއްދުމަށް ހުށަހެޅުމާއި ދޫކުރުން އަދި އެހެނިހެން އިމިގްރޭޝަންގެ ޚިދުމަތްތައް ކުރިއެކޭ އެއްފަދައިން ކުރިއަށްދާނެ ކަމުގެ ޔަޤީންކަން ދެއްވާފައިވެއެވެ.
