ފިޝަރީޒް މިނިސްޓްރީގެ ޑެޕިއުޓީ މިނިސްޓަރު އަހުމަދު ޝާފިއު އިސްތިއުފާދެއްވައިފިއެވެ.
ޝާފިއު އޭނާގެ ފޭސްބުކްގައި ކުރެއްވި ޕޯސްޓެއްގައި ވިދާޅުވީ، މަސްވެރި ސިނާއަތުގެ ކަންކަން ހައްލުކޮށްދެއްވާނެ ކަމުގެ އުންމީދުގައި ފިޝަރީޒް މިނިސްޓްރީގެ ޑެޕިއުޓީ މިނިސްޓަރުކަމުން މިއަދުން ފެށިގެން އިސްތިއުފާދެއްވާފައިވާ ކަމަށެވެ.
ބައެއް މީޑިއާތަކަށް ޝާފިއު ވިދާޅުވިގޮތުގައި މަގާމުން އިސްތިއުފާދެއްވީ އެއްވެސް ފަރާތަކާ ހިތްހަމަޖެހުމެއް އޮވެގެން ނޫނެވެ. އެ ނިންމުން ނިންމީ އަމިއްލަ ބައެއް ކަންކަމަށް އިސްކަންދިނުމަށް ކަމަށް އޭނާ ވިދާޅުވިއެވެ.
ތައުލީމީ ދާއިރާއިން މާސްޓާސް ހާސިލުކުރައްވާފައިވާ ޝާފިއު އަކީ ދިވެހި މަސްވެރިންގެ ޖަމިއްޔާ އުފެއްދުމުގައި އިސް ދައުރެއް އަދާކުރެއްވި ބޭފުޅެކެވެ.
