ރައްޔިތުންގެ މަޖިލީހުގެ ހުޅުމާލެ ދެކުނު ދާއިރާގެ މެންބަރު ޑރ. އަހުމަދު ޝަމްހީދު، އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމުގެ ޝައުގުވެރިކަން ފާޅުކުރައްވައިފިއެވެ.
އެމްޑީޕީގެ ބައެއް މެންބަރުންނަށް ޝަމްހީދު ފޮނުއްވި މެސެޖެއްގައި ވިދާޅުވީ އެމްޑީޕީގެ ރިޔާސީ ޕްރައިމަރީގައި ވާދަކުރުމުގެ ފުރުސަތުތައް ހޯއްދެވުމަށް ބައްދަލުވުންތަކެއް ބާއްވާނެ ކަމަށެވެ.
އެނގިފައިވާ ގޮތުގައި އެމްޑީޕީގެ ރިޔާސީ ޕްރައިމަރީގައި ވާދަކުރެއްވުމުގެ ޝައުގުވެރިކަން ޝަމްހީދު ފާޅުކުރެއްވި ނަމަވެސް، ރަސްމީކޮށް ވާދަކުރައްވާކަން އިއުލާންކުރައްވާނީ ތާއީދު އޮތް މިންވަރަކަށް ބެއްލެވުމަށްފަހުއެވެ.
އެމްޑީޕީގެ ރިޔާސީ އިންތިހާބުގައި ވާދަކުރެއްވުމަށް މަސައްކަތްކުރައްވަމުންދާ ބޭފުޅުންގެ ތެރޭގައި ކުރީގެ ރައީސް އިބްރާހިމް މުހައްމަދު ސޯލިހާއި އެމްޑީޕީގެ ރައީސް އަބްދުﷲ ޝާހިދު އަދި އެ ޕާޓީގެ ޗެއާޕާސަން ފައްޔާޒް އިސްމާއީލް ވެސް ހިމެނިވަޑައިގަންނަވައެވެ. ނަމަވެސް އޭގެ ތެރެއިން ވާދަކުރައްވާކަން ރަސްމީކޮށް އިއުލާންކުރެއްވި ހަމައެކަނި ބޭފުޅަކީ ފައްޔާޒެވެ.
ކިޔުންތެރިންގެ ހިޔާލު