އެމްޑީޕީގެ އެކްޓިވިސްޓު މަރިޔަމް ޒުބައިރު (މަންދީ)ގެ ގަޔަށް ކަޅުތެޔޮ ޖެހި މައްސަލައިގައި މީހަކު ހައްޔަރުކޮށްފިއެވެ.
އެމްޑީޕީގެ މުޒާހަރާއެއްގައި ރައީސް ޑރ. މުހައްމަދު މުއިއްޒުގެ ދަރިކަލަކަށް ނިސްބަތްކޮށް ވާހަކަތަކެއް ދައްކާފައިވުމުން މަންދީއަށް ފާޑުކިޔުންތަކެއް އަމާޒުވަމުންދަނިކޮށް، އޭނާގެ ގަޔަށް ކަޅުތެޔޮ ޖަހާފައިވަނީ މިމަހުގެ 17 ވަނަ ދުވަހުގެ ރޭއެވެ.
އެ މައްސަލައާ ގުޅިގެން ހައްޔަރުކުރީ ގއ. ދާންދޫ، ސަންލައިޓްވިލާ، އަހުމަދު ރިޝްމާހް (20އ) އެވެ. އޭނާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށް ވަނީ އަމުރުކޮށްފައެވެ.
ފުލުހުން ވަނީ މިދިޔަ ފެބްރުއަރީ މަހު ވެސް އޭނާ ހައްޔަރުކޮށްފައެވެ. އޭރު އޭނާ ހައްޔަރުކުރީ ނުރައްކާތެރި ހަތިޔާރު ބޭނުންކޮށްގެން މާރާމާރީއެއް ރޭވުމުގައި އުޅޭކަމުގެ ތުހުމަތުގައެވެ.
ކިޔުންތެރިންގެ ހިޔާލު