އައްޑޫ ސިޓީގެ ފޭދޫގައި ސިޓީ ހޮޓަލެއް ތަރައްޤީކޮށް ހިންގުމަށް ބީލަން ހުޅުވާލައިފިއެވެ.

އައްޑޫގެ ލޯކަލް ޓޫރިޒަމް އިތުރަށް ކުރިއެރުވުމުގެ މަޤްޞަދުގައި، އެ ސިޓީގެ ދިގިހެރަ ޓޫރިޒަމް ޒޯން (އެސް 4) ގައި ސިޓީ ހޮޓަލެއް ޤާއިމްކުރުމަށް ވަނީ ނިންމާފައެވެ.

އައްޑޫ ސިޓީ ކައުންސިލުން މަޢުލޫމާތު ދެއްވާފައިވާ ގޮތުގައި، މި ސިޓީ ހޮޓާ ތަރައްޤީކުރުމަށް ހަމަޖެހިފައިވާ ސަރަޙައްދަކީ ފޭދޫގެ ހުޅަނގު ފަރާތުން އަލަށް ހިއްކާފައިވާ ބިމުގައި، ސަވާހެލި ރަށާ ދިމާލުގައިވާ ސަރަޙައްދެކެވެ. މި ސަރަޙައްދު އޮންނަނީ އައްޑޫ އިންޓަރނޭޝަނަލް އެއަރޕޯޓުން 2 ކިލޯމީޓަރު ދުރުގައެވެ. އަދި މި 3.2 ހެކްޓަރުގެ ގޮނޑުދޮށާ ގުޅިފައިވާ ބިން ކަނޑައެޅިފައިވަނީ ގެސްޓްހައުސްތަކާއި ހޮޓާތައް ތަރައްޤީކުރުމަށްކަމަށްވެސް ކައުންސިލުން ވިދާޅުވެފައިވެއެވެ.

ތަރައްޤީކުރުމަށް ހަމަޖެހިފައިވަނީ 45 ކޮޓަރީގެ ސިޓީ ހޮޓަލެކެވެ. މި ހޮޓާ ތަރައްޤީކުރުމަށް ހުޅުވާލާ ބިމުގެ ބޮޑުމިނަކީ 16,000 އަކަފޫޓެވެ. އަދި މި ބިން ކުއްޔަށް ދޫކުރެވޭނީ ގިނަވެގެން 50 (ފަންސާސް) އަހަރުގެ މުއްދަތަށްކަމަށް ކައުންސިލުން މަޢުލޫމާތު ދެއްވާފައިވެއެވެ.

އައްޑޫ ސިޓީ ކައުންސިލުން އިތުރަށް މަޢުލޫމާތު ދެއު ދެއްވާފައިވާ ގޮތުގައި، މި ހޮޓާ ތަރައްޤީކުރުމަށް ޝައުޤުވެރިވާ ފަރާތްތަކަށް އިތުރު މަޢުލޫމާތު ހޯދުމަށާއި، ބީލަން ފޮތް ބެލުމަށާއި އަދި އެ ފޮތް ގަތުމަށް މި މަހުގެ 9 ވަނަ ދުވަހުން ފެށިގެން 19 ވަނަ ދުވަހާ ހަމައަށް، ހެނދުނު 9:00 އިން މެންދުރުފަހު 13:00 އާ ދެމެދު، ކައުންސިލު އޮފީހުން އެ އިންތިޒާމު ހަމަޖެހިފައިވާނެއެވެ.

މި ސަރަޙައްދު ބީލަމަށް ހުޅުވާލުމުގެ މައިގަނޑު މަޤްޞަދަކީ، ވަޒީފާގެ ފުރުޞަތުތައް އިތުރުކޮށް ރައްޔިތުންނަށް ފަތުރުވެރިކަމުގެ ނަފާ ލިބޭނެ މަގު ތަނަވަސްކޮށްދިނުމެވެ. މީގެ އިތުރުން، ރާއްޖޭގެ ފަތުރުވެރިކަމުގައި އަމިއްލަ ފަރާތްތަކުގެ އިންވެސްޓްމަންޓްތައް އިތުރުކޮށް އައްޑޫ ސިޓީގެ އިޤްތިޞާދު ކުރިއެރުވުމަކީވެސް މި މަޝްރޫޢުގެ މުހިންމު މަޤްޞަދެއްކަމަށް ސިޓީ ކައުންސިލުން ފާހަގަކުރައްވާފައިވެއެވެ.

އައްޑޫ ސިޓީގައި ފަތުރުވެރިކަން ފުޅާކުރުމަށް ސަރުކާރުންވެސް ގިނަގުނަ މަސައްކަތްތަކެއް ކުރައްވަމުން ގެންދަވައެވެ. މީގެ ތެރޭގައި ގަން އިންޓަނޭޝަނަލް އެއަރޕޯޓުގެ މަސައްކަތް މި އަހަރު ނިންމުމަށް ރޭވިފައިވާއިރު، އެއަރޕޯޓުގެ ތަރައްޤީގެ މަސައްކަތްތަކާއެކު އައްޑޫއަށް ބައިނަލްއަޤްވާމީ އެއަރލައިންތަކުގެ ދަތުރުތައް ފެށުމަށްވެސް ސަރުކާރުން ދަނީ ކަމާގުޅޭ ފަރާތްތަކާއެކު މަޝްވަރާތައް ކުރައްވަމުންނެވެ.

މީގެއިތުރުން، އައްޑޫގައި އިންޓަގްރޭޓެޑް ފަތުރުވެރިކަން ތަރައްޤީކުރުމުގެ ގޮތުން ހަންކެޑެ ތަރައްޤީކުރުމުގެ މަސައްކަތް ސަރުކާރުން ކުރިއަށް ގެންދަވަމުންދާއިރު، އެތަނުގައި 560 ކޮޓަރި ތަރައްޤީކުރުމަށް ވޭތުވެދިޔަ އަހަރުގެ އޮކްޓޫބަރު މަހު ވަނީ އެއްބަސްވުމެއްގައި ސޮއިކުރައްވާފައެވެ. އަދި އައްޑޫގައި ފަތުރުވެރިކަން އިތުރަށް ކުރިއެރުވުމަށްޓަކައި ޓޫރިޒަމް ޒޯންތަކުން ބިންތައް ދޫކުރެވިފައިވާއިރު، ސަރުކާރުން ވަނީ އެ ބިންތައް ދޫކޮށްފައިވާ ފަރާތްތަކަށް އިތުރު ލޯނުތަކެއް ލިބޭނެ މަގު ފަހިކޮށްދެއްވާނެކަމަށްވެސް އިޢުލާނުކުރައްވާފައެވެ.

މި މަޝްރޫޢުތަކުގެ ސަބަބުން އައްޑޫ ސިޓީގެ ފަތުރުވެރިކަމަށް އައު ހަރުފަތެއް ލިބި، އިޤްތިޞާދީ ގޮތުން ފާހަގަކުރެވޭ ކުރިއެރުމެއް ލިބޭނެކަމަށް އުންމީދުކުރެވެއެވެ. އަދި މި ތަރައްޤީގެ މަޝްރޫޢުތަކުގެ ސަބަބުން ރައްޔިތުންނަށް އިތުރު ވަޒީފާގެ ފުރުޞަތުތަކާއި އާމްދަނީ ހޯދުމުގެ މަގުތައް ފަހިވެގެންދާނެކަމަށް ބެލެވެއެވެ.

ޖުމްލަކޮށް ބަލާއިރު، އައްޑޫ ސިޓީގައި ސިޓީ ހޮޓަލެއް ތަރައްޤީކުރުމުގެ މި މަޝްރޫޢަކީ، އެ ސަރަޙައްދުގެ ފަތުރުވެރިކަމުގެ ޞިނާޢަތު އިތުރަށް ފުޅާކޮށް، ރައްޔިތުންގެ ދިރިއުޅުމުގެ ފެންވަރު މަތިކުރުމަށް މަގުފަހިކޮށްދޭނެ މުހިންމު ފިޔަވަޅެއްކަމުގައި ފާހަގަކުރެވެއެވެ. މި މަޝްރޫޢާއި އެހެނިހެން ތަރައްޤީގެ މަޝްރޫޢުތަކުގެ ސަބަބުން އައްޑޫ ސިޓީގެ އިޤްތިޞާދީ ދުވެލި އިތުރުވެ، ޤައުމީ ފެންވަރުގައި ފަތުރުވެރިކަމުގެ ޞިނާޢަތު އިތުރަށް ކުރިއަރައިގެންދާނެކަމަށް އުންމީދުކުރެވެއެވެ.