މިދިޔަ ދައުރުގައި ފަނޑިޔާރުންނަށް އެޅުނު ފިޔަވަޅުތަކުގެ ތަފްސީލީ މަޢުލޫމާތު ދައުލަތުގެ ބަންޑާރަ ނައިބު އަޙްމަދު އުޝާމް ހާމަކުރައްވައިފިއެވެ. އެ މަޢުލޫމާތުތަކުން ދައްކާގޮތުގައި 2018 ވަނަ އަހަރުގެ ނޮވެމްބަރު މަހުން ފެށިގެން 2023 ވަނަ އަހަރާ ހަމައަށް ޖުޑީޝަލް ސަރވިސް ކޮމިޝަނުން ފަނޑިޔާރުންނާ ދެކޮޅަށް ޖުމްލަ 56 ފިޔަވަޅެއް އަޅާފައިވެއެވެ.
މި ފިޔަވަޅުތަކުގެ ތެރޭގައި ހިމެނެނީ:
• 8 ފަނޑިޔާރަކު މަޤާމުން ވަކިކުރުން
• 12 ފަނޑިޔާރަކު ސަސްޕެންޑްކުރުން
• 3 ފަނޑިޔާރެއްގެ މަޤާމު ދަށްކުރުން
• 33 ފަނޑިޔާރަކަށް ސްލޫކީ މައްސަލަތަކާ ގުޅިގެން ނަސޭހަތްދިނުން
ބަންޑާރަ ނައިބުގެ ބަހުގައި، މި ތަފާސް ހިސާބުތަކުން ސާފުކޮށް ދައްކައިދެނީ ފަނޑިޔާރުގެއަށް އެންމެ ބެންމެ ބޮޑަށް ނުފޫޒު ފޯރުވާފައިވަނީ މިދިޔަ ދައުރުގައިކަމެވެ. އަދި ޝަރީޢަތުގެ މަޖިލީހުގައި ފަނޑިޔާރުން ދައްކާ ވާހަކައަކާ ނުވަތަ ނިންމާ ނިންމުމަކާ ގުޅިގެން “ސްލޫކީވުން” ނިމުމަކަށް ގެނެވިފައިވަނީ 2023 ވަނަ އަހަރުގެ ނޮވެމްބަރު މަހުން ފެށިގެންކަމަށްވެސް އެމަނިކުފާނު ވިދާޅުވިއެވެ.
މި މަޢުލޫމާތުތައް ހާމަކުރެއްވުމުގެ ބޭނުމަކީ، ސަރުކާރުން ފަނޑިޔާރުންނާ ދެކޮޅަށް ފިޔަވަޅު އަޅަމުންދާކަމަށް ބުނެ އިދިކޮޅު ފަރާތްތަކުން ދައްކަމުންދާ ވާހަކަތަކަށް ޖަވާބުދާރީވުމެވެ. ސަރުކާރުން އަބަދުވެސް ދެއްވާ ޔަޤީންކަމަކީ ޢަދުލު އިންޞާފުގެ ނިޒާމުގެ ތެރެއަށް، ސަރުކާރުގެ އެއްވެސް ނުފޫޒެއް ވަންނާނެ ޖާގައެއް ނުދެއްވާނެކަމެވެ.
ކިޔުންތެރިންގެ ހިޔާލު