އާދީއްތަ ދުވަހުން ފެށިގެން މާލެ ސަރަޙައްދުގައި ސިފައިންގެ ތަމްރީނުތަކެއް ކުރިއަށްދާނެކަމަށް ދިފާޢީ ވުޒާރާއިން އިޢުލާނުކޮށްފިއެވެ.

މި ތަމްރީނުތައް ކުރިއަށްދާނީ އަންނަ މަހުގެ 9 ވަނަ ދުވަހާ ހަމައަށެވެ. މި މުއްދަތުގެ ތެރޭގައި، ކޮންމެ އާދީއްތަ އަދި ބުރާސްފަތި ދުވަހެއްގެ ހަވީރު 4:00 އިން 6:00 އަށް، އަދި ކޮންމެ އަންގާރަ ދުވަހެއްގެ ރޭ 10:00 އިން އަނެއް ދުވަހުގެ ފަތިހު 1:00 އަށް ތަމްރީނުތައް ކުރިއަށްދާނެއެވެ.

ތަމްރީނުތައް ބޭއްވުމަށް ހަމަޖެހިފައިވަނީ ހުޅުމާލޭގެ ފުރަތަމަ އަދި ދެވަނަ ފިޔަވަހީގައެވެ. މި ތަމްރީނުތަކުގައި ސިފައިން ކޮމްބެޓް ގިޔަރުގައި ހަތިޔާރާއެކު ހަރަކާތްތެރިވާނެކަމަށް ދިފާޢީ ވުޒާރާއިން މަޢުލޫމާތު ދެއްވާފައިވެއެވެ.

ވީމާ، މި މުއްދަތުގެ ތެރޭގައި އެ ސަރަޙައްދުތަކުގައި ދަތުރުފަތުރުކުރާ ފަރާތްތަކުން ސަމާލުކަން ދިނުމަށް އެދެމެވެ.