ރޯދަ މަހު ކަރަންޓް ކަނޑާލަން ނުޖެހޭވަރަށް ސްޓެލްކޯގެ ކެޕޭސިޓީ އިތުރުކުރުމުގެ މަސައްކަތް ކުރިއަށްދާ ކަމަށް ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވިދާޅުވެއްޖެއެވެ.
ޕީއެސްއެމްއަށް ދެއްވި އިންޓަވިއުއެއްގައި ފަހުމީ ވިދާޅުވީ ކަރަންޓުގެ ކެޕޭސިޓީ އިތުރު ކުރުމަށް އިތުރު ޖެނެރޭޓަރުތަކެއް އިންސްޓޯލު ކުރުމުގެ މަސައްކަތްތައް ކުރަމުން އަންނަ ކަމަށެވެ.
އޭނާ ވިދާޅުވީ ހުޅުމާލޭގައި 17 މެގަވޮޓްގެ ކަރަންޓް އުފެއްދޭ އިންޖީނުތައް އިންސްޓޯލް ކުރުމުގެ މަސައްކަތް ނިމުމުން ޑިމާންޑާ އެއްވަރަށް ކަރަންޓްގެ ހިދުމަތް ފޯރުކޮށްދެވޭނެ ކަމަށެވެ.
“އިރާދަކުރެއްވިއްޔާ އަޅުގަނޑުމެން ކަރަންޓުގެ ޚިދުމަތްދޭ އެއްވެސް ކަސްޓަމަރަކަށް ކެޕޭސިޓީ ނެތިގެން ކަރަންޓު ކަނޑާލަން، ނުވަތަ އިންޖީނުގެ ހާލަތު ދަށްވެގެން ކަރަންޓު ކަނޑާލާކަށް ނުޖެހޭނެ،” ފަހުމީ ވިދާޅުވިއެވެ.
ސްޓެލްކޯ އިން ކަރަންޓްގެ ހިދުމަތް ފޯރުކޮށްދެނީ މާލެ ސަރަހައްދުގެ އިތުުރުން އދ. އަތޮޅުގެ މާމިގިލި ފިޔަވާ އެ އަތޮޅުގެ ހުރިހާ ރަށެއްގެ އިތުރުން އއ. ވ. އަދި ކ. އަތޮޅުގެ ހުރާ ނޫން ހުރިހާ ރަށަކަށެވެ.
ކިޔުންތެރިންގެ ހިޔާލު