ގއ. އަތޮޅު ހޮސްޕިޓަލްގެ ފެންވަރު ރަނގަޅުކުރުމަށް އެ ރަށު ރައްޔިތުން އަޑުއުފުލައިފިއެވެ.
އެރަށު ރައްޔިތުން މިފަދަ އިހްތިޖާޖެއް ބޭއްވީ ގއ. އަތޮޅު ހޮސްޕިޓަލުން ސިޒޭރިއަން ހެދި ފާތިމަތު ޝިއުނާ އާއި އޭނާގެ ދަރިފުޅު މަރުވި ހާދިސާއާ ގުޅިގެންނެވެ. އެ ރަށު ރައްޔިތުން ތުހުމަތު ކުރަނީ އެއީ އެ ހޮސްޕިޓަލްގެ އިހުމާލުން ހިނގި ކަމެއް ކަމަށެވެ.
މިކަމާ ގުޅިގެން މިއަދު ބޭއްވި އިހްތިޖާޖުގައި ޝިއުނާގެ ފިރިމީހާ ޝިފާޒް ޒާހިރު ބުނީ އޭނާގެ އަންހެނުންނާއި ދަރިފުޅުގެ ހައްގުގައި ވެސް އެ ހޮސްޕިޓަލްގެ ފެންވަރު ރަނގަޅު ކޮށްދިނުމަށް ގޮވާލާ ކަމަށެވެ.
އޭނާ ބުނީ ދެވަނަ މީހަކަށް އެފަދަ ކަމެއް ތަކުރާރުވާން ބޭނުންނުވާ ކަމަށެވެ.
އިހްތިޖާޖުގެ ބައިވެރިން ވަނީ އެ ހޮސްޕިޓަލަށް ފެންވަރު ރަނގަޅު ޑޮކްޓަރުން ފޮނުވުމަށް ގޮވާލާފައެވެ.
“އަޅުގަނޑުމެން ބޭނުމެއް ނުވޭ އެތައް ފަހަރަކު ޓެސްޓު ހަދާ ފާސްނުވެގެން، އެންމެ ފަހުން ހަދާ ރީޓެސްޓުން ފާސްވެގެން ފޮނުވާ ޑޮކްޓަރެއް. ވަޒީފާ ނެތިގެން ސަލާން ޖަހަނިކޮށް ލިބުނު ވަޒީފާގައި ފޮނުވާ ޑޮކްޓަރެއް،” އިހްތިޖާޖްގައި ވާހަކަ ދެއްކި މީހަކު ބުންޏެވެ.
ކިޔުންތެރިންގެ ހިޔާލު