ހަގުރާމަ ހުއްޓުމުގެ ފުރަތަމަ ފިޔަވަހީގެ ދަށުން، ގިނަ ދުވަސްތަކެއް ވަންދެން ކުރަމުން އައި އިންތިޒާރު ނިމުމަކަށް އައިސް، މިއަދު ހެނދުނު ޣައްޒާއަށް އެހީގެ ފުރަތަމަ ޓްރަކު ވަދެއްޖެއެވެ. މިއީ ކޮންމެ ދުވަހަކު ޣައްޒާއަށް ވައްދާނެ ކަމަށް ވަޢުދުވެފައިވާ 600 އެހީގެ ޓްރަކުގެ ތެރެއިން ފުރަތަމަ ޓްރަކެވެ.

ޣައްޒާގެ ރައްޔިތުން ދިގު މުއްދަތެއްގައި ތަހައްމަލުކުރަމުން އައި އަނިޔާވެރިކަމާއި ހަނގުރާމައިގެ ސަބަބުން ދަތި އުނދަގޫ ހާލަތެއްގައި ތިބުމަށްފަހު، މި އެހީ ލިބުމަކީ އެ ރައްޔިތުންނަށް ލިބުނު ވަށް ލިބުނު ވަރަށް ބޮޑު ހިތްހަމަޖެހުމެކެވެ. އެހީގެ ޓްރަކު ވަނުމާއެކު، ގިނަ ބަޔަކު އުފާވެރިކަމާއެކު މަގުމައްޗަށް ނުކުމެ، މި ކާމިޔާބީ ފާހަގަކުރިއެވެ.

އެހީގެ ޓްރަކުގައި ހުރީ ކާނާއާއި، ބޭސްފަރުވާއަށް ބޭނުންވާ ތަކެއްޗާއި، އަދި އެހެނިހެން އަސާސީ ބޭނުންތަކަށް ބޭނުންވާ ތަކެތިކަމަށް ވަނީ ބުނެފައެވެ. މި އެހީ ދެމެހެއްޓެނިވި ގޮތެއްގައި ފޯރުކޮށްދިނުމަކީ ވަރަށް މުހިންމު ކަމެއް ކަމަށް އދ. އިން ވަނީ ބުނެފައެވެ.

ހަނގުރާމަ ހުއްޓުމުގެ އެއްބަސްވުމުގެ ދަށުން، ކުރިއަށް އޮތް ދުވަސްތަކުގައިވެސް އިތުރު އެހީގެ ޓްރަކުތައް ޣައްޒާއަށް ވަންނާނެ ކަމަށް ބެލެވެއެވެ. މިކަމުގެ ސަބަބުން ޣައްޒާގެ ރައްޔިތުންގެ ދިރިއުޅުމަށް ކޮންމެވެސް ވަރެއްގެ ލުޔެއް ލިބޭނެ ކަމަށް އުއްމީދު ކުރެވެއެވެ.