އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ސައުދީ އަރަބިއްޔާއަށް ވަޑައިގަންނަވައިފިއެވެ. އެ ވުޒާރާއިން މުޅިރާއްޖެއަށް މައުލޫމާތު ދެއްވިގޮތުގައި، ޑރ. ޝަހީމް ސައުދީ އަށް ވަޑައިގެންނެވީ، ސައުދީ އަރަބިއްޔާ މިނިސްޓަރ އޮފް ހައްޖު އެންޑް އުމްރާ ޑރ. ތައުފީޤު ރަބީޢާގެ ދަޢުވަތަކަށް ކަމަށެވެ.
މި ދަތުރުފުޅުގައި ރާއްޖެއާއި ސައުދީއާ ދެމެދު ކޮންމެ އަހަރަކުވެސް ގާއިމު ކުރާ ޙައްޖު އެގްރީމެންޓްގައި ސޮއިކުރެއްވުމުށް ހަމަޖެހިފައިވާކަމަށް މައުލޫމާތު ލިބިފައިވެއެވެ. އަދިމީގެ އިތުރުން ހައްޖު ކަންތަކާއިބެހޭ ވުޒާރާގެ ވެރިޔާ މިނިސްޓަރ ޑރ ތައުފީޤު ރަބީޢާއާ ބައްދަލުކުރައްވާނެއެވެ. އަދި ހަމައެއާއި އެކު 1446 މިއަހަރު ހައްޖު މިނިސްޓްރީން ބާއްވާ ހައްޖު މައުރަޒުގައި ވަޒީރު ބައިވެރިވެ ވަޑައިގަންނަވާނެ ކަމަށްވެސް އެވުޒާރާއިން ވިދާޅުވެފައި ވެއެވެ.

ޙައްޖުގެ އިންތިޒާމްތަށް ހަރުދަނާކުރުމަށްޓަކައި އިސްލާމީ ގައުމުތަކާއި ގުޅިގެން ސައުދީ ސަރުކާރުން ދަނީ ގިނަ ގުނަ މަސައްކަތްތަކެއް ކުރަމުންނެވެ. މިގޮތުން ކުރާމަސައްކަތުގައި ރާއްޖެގޭފަރާތުން ބައިވެރިވުމަކީ ގިނަފުރުސަތުތަކެއް ރާއްޖެއަށްވެސް ފަހިވެގެންދާނެކަމެކެއެވެ.