މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) ގެ ޗީފް އެގްޒެކެޓިވް އޮފިސަރު (ސީއީއޯ) ގެ މަގާމުން ބްރިގޭޑިއާ ޖެނެރަލް ރިޓަޔާޑް ފަރުހަތު ޝަހީރު މިއަދު އިސްތިއުފާ ދެއްވައިފިއެވެ.
ފަރުހަތު އިސްތިއުފާ ދެއްވާފައިވަނީ މިއަދު ހެނދުނުގެ ވަގުތެއްގައެވެ. އިސްތިއުފާ ދެއްވި ސަބަބު ހާމަކޮށްފައި ނުވެ އެވެ.
ފަރުހަތަކީ މި ސަރުކާރުން މިފްކޯއަށް އައްޔަންކުރި ތިން ވަނަ ސީއީއޯއެވެ. އެ ކުންފުނީގެ ސީއީއޯ އަކަށް ފުރަތަމަ އައްޔަންކުރީ ސްވިޒަލޭންޑްގެ ރައްޔިތެކެވެ. އޭނާ ވަކިކުރުމަށްފަހު އައްޔަންކުރީ އަހްމަދު ޝަމާހު ރަޝީދެވެ.
މަސްވެރިކަމުގެ ދާއިރާއަށް ޒަމާނީ ހެޔޮ ބަދަލުތަކެއް ގެންނަން ސަރުކާރުން އަންނަނީ މުހިންމު މަސައްކަތްތަކެއް ކުރަމުންނެވެ.
މަސްވެރިން ބާނާ މަހަކަށް މެދުނުކެނޑި 48 ގަޑިއިރުގެ ތެރޭގައި ފައިސާ ދެއްކޭނެ ނިޒާމެއް ފުރަތަމަ ފަހަރަށް ގާއިމްކުރީ ވެސް މި ސަރުކާރުންނެވެ.
ކިޔުންތެރިންގެ ހިޔާލު