މި އަހަރުގެ ރަމަޟާން މަހުގެ މިހާތަނަށް 15 މިސްކިތް ހުޅުވާފައިވާ ކަމަށް އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
އިސްލާމިކް މިނިސްޓަރު ޑރ.ޝަހީމް ފޭސްބުކްގައި ކުރެއްވި ޕޯސްޓެއްގައި ވިދާޅުވީ ރައީސް ޑރ. މުއިއްޒު އިއުލާން ކުރެއްވި ގޮތަށް 15 މިސްކިތް ރޯދައަށް ހުޅުވާފައިވާ ކަމަށެވެ.
އޭގެ ތެރޭގައި މި ސަރުކާޜުގެ ޕްރޮޖެކްޓުތަކާއި ސަރުކާރާ އަމިއްލަ ފަރާތްތައް ގުޅިގެން ގެންދިޔަ މަޝްރޫއުތައް ހިމެނޭ ކަމަށް ޝަހީމް ވިދާޅުވިއެވެ.
ރޯދަ މަސް ނިމޭއިރަށް ހުޅުވޭ މިސްކިތްތަކުގެ އަދަދު ވިއްސަށް އަރާނެ ކަމަށް ވެސް ޝަހީމް ވިދާޅުވިއެވެ. އިސްލާމީކް މިނިސްޓްރީން ވިދާޅުވި ގޮތުގައި އެ މިނިސްޓްރީގެ ބެލުމުގެ ދަށުން އިސްލާމީ ދާއިރާއިން 90 އަށްވުރެ ގިނަ މަޝްރޫއު މިހާރު ކުރިއަށްދެއެވެ.
ކިޔުންތެރިންގެ ހިޔާލު