ހުރިހާ ރަށަކަށް އެމްބިއުލާންސް ފޯރުކޮށްދިނުމަށް ކުރާ މަސައްކަތުގެ ދަށުން މިހާތަނަށް 59 ރަށަކަށް އެމްބިއުލާންސް ފޮނުވައިފިއެވެ.
އެމްޕީއެލާ ހަވާލުކޮށްގެން މިދިޔަ މަހުގެ 17ގައި ފެށި މި ޕްރޮގްރާމްގެ ދަށުން 56 އެމްބިއުލާންސް މާލެ ގެނެސް ރަށްރަށާ ވަނީ ހަވާލުކޮށްފައެވެ. 56 އެމްބިއުލާންސްގެ ތެރެއިން އެއް އެމްބިއުލާންސް ދީފައިވަނީ މޯލްޑިވްސް ކަރެކްޝަނަލް ސާވިސްއަށެވެ. އަދި ބާކީ އެމްބިއުލާންސްތައް ރާއްޖޭގެ އެކި ކަންކޮޅުތަކަށް ވަނީ ފޮނުވާފައެވެ.
އެމްބިއުލަންސްތަ ރަށްރަށަށް ފޮނުވުމުގެ އިތުރަށް އެ ދުއްވުމާއ،ި މަރާމާތުކޮށް ބެލެހެއްޓުމާ ގުޅޭ ފަންނީ މަޢުލޫމާތު އެމްޕީއެލްގެ މެކޭނިކަލް ޓީމުން ވަނީ ހޮސްޕިޓަލްތަކާއި ސިއްޙީ މަރުކަޒުތަކުގެ މުވައްޒަފުންނަށް ފޯރުކޮށްދީފައެވެ. އަދި މިހާރު ބޭނުންކުރަމުންދާ ބައެއް އެމްބިއުލަންސްތަކަށް ދިމާވެފައިވާ މައްސަލަތައް ދެނެގަތުމަށް އެތަންތަނަށް އެހީތެރިކަން ފޯރުކޮށްދީފައިވާނެ ކަމަށް އެމްޕީއެލްއިން ވިދާޅުވިއެވެ. މީގެއިތުރުން އެމްބިއުލާންސްތަކަށް ދިމާވާ މައްސަލަތައް ހައްލުކޮށް ދެމެހެއްޓެނިވިގޮތަކަށް މި އެމްބިއުލާންސްތައް ބޭނުންކުރެވޭނެހެން މަސައްކަތް ކުރިއަށް ގެންދިއުމަށް މަސައްކަތް ކުރަމުންދާ ކަމަށް އެމްޕީއެލްއިން ވިދާޅުވިއެވެ. މިގޮތަށް މިކަން ކުރުމަށް ސިއްޙީ ވުޒާރާއާއެކު އެއްބަސްވުމެއް ހަދައި އެމްބިއުލަންސްތައް ސަރވިސްކުރުމާއ،ި ބޭނުންވާ ސްޕެއަރ ޕާޓްސް ފޯރުކޮށްދިނުމަށް މަޝްވަރާ ކުރަމުންދާ ކަމަށް އެކުންފުނިން ވަނީ ހާމަކޮށްފައެވެ.
ސިއްޙީ ވުޒާރާއިން ބުނީ މިއަހަރުގެ ތެރޭގައި އިތުރު 31 ރަށަކަށް ބޭނުންވާ އައު އެމްބިއުލާންސް ގެންނާނެކަމަށެވެ. އަދި ގްރޭޓަރ މާލޭ ސަރަހައްދާއި ސިޓީތަކުގައި ޕެރަމެޑިކް ޚިދުމަތް ދިނުމަށް އެތަންތަނަށް ބޭނުންވާ 10 ޕެރަމެޑިކް އެމްބިއުލާންސްވެސް ގެންނާނެކަމަށް ސިއްޙީ ވުޒާރާއިން ބުންޏެވެ.
ކިޔުންތެރިންގެ ހިޔާލު