އިޖުތިމާޢީ ރައްކާތެރިކަމުގެ ނިޒާމުތައް ވަރުގަދަކުރުމުގައި ސަރުކާރު ސާބިތުކަމާއެކު ދެމިއޮންނާނެކަމަށް ރައީސުލްޖުމްހޫރިއްޔާ ޑރ މުހައްމަދު މުއިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ މިއަދު ފާހަގަކުރާ ދުނިޔޭޣެއިޖުތިމާޢީ އަދާލާތުގެ ދުވަހާއި ގުޅިގެން މީސް މީޑިއާގައި ހިއްސާކުރެއްވި ޕޯސްޓެއްގައެވެ.
ރައީސް ވިދާޅުވީ އިޖުތިމާޢީ އަދާލާތުގެ ދުވަހެއް ފާޙަގަކުރާއިރު ރާއްޖެ އޮތީ ބައިނަލްއަގުވާމީ މުޖުތަމައާ އެކުގައިކަމަށާއި، މިއީ ރާއްޖޭގެ ހާލަތަށް ބަލާއިރު ކިހާ މުހިންމު ދުވަހެއްކަމާމެދު ވިސްނާލަންޖެހޭކަމަށެވެ. އަދި މިފަދަ ދުވަހެއް ފާހަގަކުރުމުގެ އެންމެ މުހިއްމު މަގްސަދަކީ ޖިއޮގްރަފިކަލް ގޮތުން އެކި ކަންކޮޅުތަކަށް ބެހިފައިވާ ރާއްޖޭގެ ރަށްރަށުގައި ދިރިއުޅޭ ރައްޔިތުންނަށް، ހަމަހަމަ ފުރުސަތުތަކެއް ފަހިވެފައިވާ އަބުރުވެރި، ރައްކާތެރި ދިރިއުޅުމެއް ޔަގީންކޮށްދިނުމަށްވެސް އެމަނިކުފާނު ވިދާޅުވިއެވެ.
ރައީސް ވިދާޅުވީ، އިޖުތިމާއީ ރައްކާތެރިކަމުގެ ނިޒާމުތައް ވަރުގަދަކުރުމާއެކު، ފެންވަރު ރަނގަޅު ސިއްހީ ޚިދުމަތްތަކާއި، ދަތުރުފަތުރުގެ ނިޒާމުތައް ގާއިމްކޮށް، އަތްފޯރާ އަގުގައި ބޯހިޔާވަހިކަން ފޯރުކޮށްދިނުމަަަށް ސަރުކާރުން ސާބިތުކަމާއެކު ދެމިއޮންނާނެކަމަށެވެ. މީގެއިތުރުން މިންތީގެ ހަމަހަމަކަން ކަށަވަރުކުރުމާއި، އެކަށީގެންވާ ވަޒީފާގެ ފުރުސަތުތައް ހިމެނޭ އިގްތިސާދީ ފުރުސަތުތައް ހަމަހަމަކަމާއެކު ފަހިކޮށްދިނުމަށްވެސް ސަރުކާރުން މަސައްކަތް ކުރައްވަމުން ގެންދަވާކަން ރައީސް ފާހަގަކުރެއްވިއެވެ.
On this World Day of Social Justice, we stand in solidarity with the global community and reflect on what this day truly means for us in the Maldives. It is about ensuring that people across our geographically dispersed islands have equitable access to opportunity, dignity, and… pic.twitter.com/A8NvCwNdtI
— Dr Mohamed Muizzu (@MMuizzu) February 20, 2026
ރައީސްގެ ޕޯސްޓުގައި ކޮންމެ ދިވެހި ރައްޔިތަކަށްވެސް އުއްމީދުން ފުރިގެންވާ މުސްތަގުބަލެއް ހޯދައިދީ، ބާރުވެރި މީހަކަށް ހެދުމަށްޓަކައި، ތައުލީމާއި ހުނަރުތައް ތަރައްގީކުރުމަށް ސަރުކާރުން އިންވެސްޓް ކުރަމުން ގެންދަވާކަމަށެވެ. އަދި އެމަސައްކަތުގައި އެކި ގޮންޖެހުންތައް ދިމާވިނަމަވެސް، ސަރުކާރުގެ އަޒުމަކަށް ބަދަލެއް ނާންނާނެކަމަށްވެސް އެމަނިކުފާނު ވިދާޅުވިއެވެ. އަދި ދިވެހި ރައްޔިތުންނަށް މިއަށްވުރެ ފާގަތި، ދެމެހެއްޓެނިވި މުސްތަގުބަލެއް ހޯދައިދިނުމަށް ސަރުކާރުން މަސައްކަތް ކުރުމުގައި ދެމިއޮންނާނެކަމަށްވެސް ރައީސް ވަނީ ވިދާޅުވެފައެވެ.
ކިޔުންތެރިންގެ ހިޔާލު