ޕާކިސްތާނުގެ ބަލޯޗިސްތާނުގައި ދިން ޓެރަރިސްޓް ހަމަލާ ރާއްޖެއިން އެންމެ ހަރުކަށި އިބާރާތުން ކުށްވެރިކޮށްފިއެވެ.
އެ ހަމަލާގައި މަރުވި މީހުންގެ އާއިލާތަކަށް ދިވެހި ސަރުކާރުން ވަނީ ތައުޒިޔާ ފޮނުވައިފައެވެ.
ފޮރިން މިނިސްޓްރީން މިއަދު ނެރުނު ބަޔާނެއްގައި ބުނެފައި ވަނީ ޖެނުއަރީ 31 ވަނަ ދުވަހު ޕާކިސްތާނުގެ ބަލޯޗިސްތާނުގައި ދިން ޓެރަރިސްޓް ހަމަލާ ރާއްޖެއިން ވަރުގަދައަށް ކުށްވެރިކުރާ ކަމަށެވެ.
ޓެރަރިޒަމްގެ ހުރިހާ ބާވަތެއްގެ އަމަލުތަކަކާއި ރާއްޖެއިން ދެކޮޅުހަދާ ކަމަށް ވެސް އެ މިނިސްޓްރީން ބުންޏެވެ.
ހަމަލާގެ ޝިކާރަައަކަށްވީ މީހުންގެ އާއިލާތަކަށް ތައުޒިޔާ ކިޔާ ކަމަށާއި ހިތާމައިގެ މިވަގުތުގައި ޕާކިސްތާނުގެ ސަރުކާރާއި ރައްޔިތުންނާ އެކުގައި ރާއްޖެއިން ދެމިއޮންނާނެ ކަމަށް ވެސް އެ ބަޔާނުގައި ބުންޏެވެ.
ޕާކިސްތާނުގެ ބަލޯޗިސްތާނުގައި އެ ގައުމުގެ ސަރުކާރާ ދެކޮޅަށް ހަނގުރާމަކުރާ ޖަމާއަތަކުން ދިން ހަމަލާތަކުގައި އާއްމުންގެ 31 މީހުންނާއި ސިފައިންގެ 17 މީހަކު ވަނީ މަރުވެފައެވެ. އަދި އެ ހަމަލާތަކުގައި ހަނގުރާމަވެރިންގެ 145 މީހުން ވެސްް މަރުވިއެވެ.
ކިޔުންތެރިންގެ ހިޔާލު