އަދާލަތު ޕާޓީގެ ރައީސް ކަމަށް އެ ޕާޓީގެ ނައިބު ރައީސް އައްޝައިޚް މުހައްމަދު ޝިފާން މިއަދު އިންތިހާބުކޮށްފިއެވެ.
ފަހިވޯޓު މެދުވެރިކޮށް އޮންލައިންކޮށް އަދާލަތު ޕާޓީގެ ރައީސް ހޮވުމަށް ކުރިއަށްގެންދިޔަ އިންތިހާބުގައި ޝައިހް ޝިފާނާ ވާދަކުރެއްވި އިކްރާމް އަބްދުއްސައްތާރަށް ލިބުނީ އެންމެ ޕަސަންޓެކެވެ.
އިންތިހާބުގައި ވޯޓު ލާފައިވަނީ ވޯޓުދިނުމުގެ ހައްގު ލިބިފައިވާ މީހުންގެ ތެރެއިން 22 ޕަސަންޓު މީހުންނެވެ.
އިންތިހާބުގައި ލިބުނު ކާމިޔާބީއާ ގުޅިގެން ޝައިހް ޝިފާން ވަނީ އޭނާއަށް އިތުބާރުކުރައްވައި ވޯޓު ދެއްވި ހުރިހާ އެންމެންނަށް ޝުކުރު އަދާކުރައްވާފައެވެ.
ޝައިހް ޝިފާން ވިދާޅުވީ ވިދާޅުވީ އިންތިހާބުގައި އަދާލަތު ޕާޓީގެ މެންބަރުން ގިނަ ހުރިހާ ރަށަކަށް އޭނާގެ ޓީމުން ޒިޔާރަތްކޮށް ސީދާ މެންބަރުންގެ ވާހަކަތައް އަޑު އެހިގެންދިޔުމަކީ ޕާޓީގެ މުސްތަގުބަލު ހަރުދަނާކުރަން އެޅުނު މުހިންމު ފިޔަވަޅެއް ކަމަށެވެ.
ޢަދާލަތު ޕާޓީ އަކީ އިސްލާމްދީނާއި ދިވެހި ގައުމުގެ މަސްލަޙަތު އިސްކޮށް މަސައްކަތް ކުރާ ޕާޓީ އެއްގެ ގޮތުގައި ދަމަހައްޓާ މެމްބަރުންގެ އުއްމީދުތަކާއި އެއްގޮތަށް ކަންކަން ހިންގާ ޕާޓީ އެއްގެ ގޮތުގައި ބައްޓަން ކުރާނެ ކަމަށް ވެސް އޭނާ ވިދާޅުވިއެވެ.
އޮންލައިންކޮށް ވޯޓުލާތީ ކަންބޮޑުވުންފާޅުކުރެއްވުމަށްފަހު އިކްރާމް އަބްދުއްސައްތާރު ވަނީ ނަން އަނބުރާ ނަގާފައެވެ.
ކިޔުންތެރިންގެ ހިޔާލު