ފުލުހުންނަށް އިންޒާރުދިން މައްސަލައަކާ ގުޅިގެން އެމްޑީޕީގެ ގައުމީ މަޖިލީހުގެ ހުޅުމާލެ އުތުރު ދާއިރާ ރައީސް ފާތިމަތު ޒަހިއްޔާ (ޒާޔާ) ފުލުސް އޮފީހަށް ހާޒިރުވާން އަންގައިފިއެވެ.
ޒާޔާގެ ފޯނު ކޯޓު އަމުރެއްގެ ދަށުން ފުލުހުން ވަނީ މިދިޔަ އޮކްޓޫބަރު މަހުގެ ހަތް ވަނަ ދުވަހު ހިފަހައްޓާފައެވެ.
ޒާޔާ ފުލުހުންނަށް އިންޒާރުދީފައި ވަނީ ފޭސްބުކުގައި ކުރި ޕޯސްޓެއްގައެވެ. އެ ޕޯސްޓުގައި ލިޔެފައިވަނީ “17 ނޮވެންބަރަށް ތައްޔާރު ވުމަށް ކަނޑޫދޫ މިރުހުން ސްޕްރޭ ތައްޔަަރުކުރަން ފަށައިފިން. ހަމަ ޖެހީ ޖެހީ” މިފަދައިންނެވެ. އަދި ފުލުހުންގެ ފޭސްބުކް ޕޭޖު ޓެގުކޮށްފައިވެއެވެ.
ޒާޔާ ހާޒިރު ކުރަނީ އެ މައްސަލައާ ގުޅިގެން ސުވާލުކޮށް ބަޔާން ނެގުމަށެވެ. އޭނާއަށް މިއަދު ފުލުހުން ފޮނުވި ޗިޓުގައި ބުނެފައި ވަނީ މާދަމާ މެންދުރުފަހު 2:00 އަށް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންއަށް ހާޒިރުވުމަށެވެ.
މިކަމާ ގުޅިގެން ފުލުހުންގެ ރަސްމީ ބަހެއް އަދި ނުލިބެއެވެ.
ކިޔުންތެރިންގެ ހިޔާލު