ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ނަމުގައި، އާންމުންނަށް ދޫކޮށްފައިވާ ފުލެޓުތަކާއި ބޯހިޔާވަހިކަމުގެ މަޝްރޫއުތަކާ ގުޅޭ ގޮތުން ބަޔަކު އޮޅުވާލައިގެން މައުލޫމާތު ހޯދަމުން އަންނަ ކަމަށް ބުނެ، އެކަމަށް ސަމާލުވާން އެ ކުންފުނިން އެދިއްޖެއެވެ.
އެޗްޑީސީން ސޯޝަލް މީޑިއާގައި ކުރި ޕޯސްޓެއްގައި ވަނީ، އެ ކުންފުނީގެ ނަމުގައި އެސްއެމްއެސް އާއި ކޯލުތަކާއި ވައިބާ މެދުވެރިކޮށް އޮޅުވާލައިގެން މައުލޫމާތު ހޯދުމަށް ބަޔަކު މަސައްކަތްކުރަމުން އަންނަކަން އެ ކޯޕަރޭޝަންގެ ސަމާލުކަމަށް އައިސްފައިވާ ކަމަށެވެ.
ބޯހިޔާވަހިކަމުގެ މަޝްރޫއުތަކާއި ފުލެޓުތަކާ ގުޅޭ ގޮތުން އެއްވެސް މުއާމަލާތެއް ކުރުމަށް އެ ކުންފުނިން މެސެޖުކޮށް ނުގުޅާނެ ކަމަށް އެޗްޑީސީން ބުންޏެވެ.
އޮޅުވާލައިގެން ހިންގާ ސްކޭމްތަކަށް އާންމުން ސަމާލުވުމަށް އެޗްޑީސީން ވަނީ އިލްތިމާސްކޮށްފައެވެ.
ކިޔުންތެރިންގެ ހިޔާލު