މަޓާޓޯއިން ރާއްޖޭގެ ޓޫރިޒަމްގެ ދާއިރާއަށް އަމާޒުކޮށް އުފެއްދުންތެރި ނަޒަރަކުން އޭއައި ބޭނުންކުރަން ދަސްކޮއްދޭ ވޯކްޝޮޕެއްބޭއްވުމަށް ހަމަޖައްސާފި އެވެ.

އުފެއްދުންތެރި ނަޒަރަކުން އޭއައި ބޭނުންކުރަން ދަސްކޮއްދޭ ވޯކްޝޮޕެއް މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއަރ އޮޕަރޭޓަރސް (މަޓާޓޯ)ގެ ފަރާތުން ބޭއްވުމަށް ނިންމާ އެކަން އިޢުލާނު ކުރައްވާފިއެވެ. މި ވޯކްޝޮޕް ކުރިޔަށްދާނީ 15 ފެބްރުއަރީ 2026ވާ އާދިއްތަ ދުވަހުގެ ހެދުނު 8 އިން ފެށިގެނެވެ.

އެއްދުވަށް ފަރުމާކޮއްގެން ހިންގާ މި ޕައިލެޓް ޕްރޮގްރާމަކީ މުޅި ޓޫރިޒަމް ސިނާޢަތުގެ މީހުން ބިނާކުރުމުގެ ގޮތުން އިސްނެގިގެން ގެންދެވޭ، އަދި ޓޫރިޒަމް އިންޑަސްޓްރީގައި މަސައްކަތް ކުރައްވާ އެކި ފަންތީގެ ބޭފުޅުން ދުވަހު މަސައްކަތުގައި ސަލާމަތްކަމާއި، ޒިންމާދާރު އަދި އުފެއްދުންތެރި ގޮތެއްގައި އޭއައި ބޭނުންކުރަން ދަސްކޮދޭ ޕްރޮގްރާމެކެވެ.

އޭއައި އަކީ މިހާރުވެސް ޓޫރިޒަމް ސިނާއަތުގައި ހަލުވިކަމާއި އެކު ބޭނުން ކުރެވޭ ވަސީލަތެކެވެ. ނަމަވެސް ނުރަނގަޅު އަދި ރައްކައުތެރިކަން ކުޑަގޮތަށް އޭއައި ބޭނުން ކުރެވިއްޖެ ނަމަ، ނުރަނގަޅު ގޮތެއްގައި ގެސްޓުންނާއި ވިޔަފާރީގެ މަޢުލޫމާތު ހާމަވެ، މީގެސަބަބުން ޤާނޫނީ މައްސަލަ، ކުންފުނީގެ އަގު އަދިވެސް އިތުރު ރިސްކަށް ވިޔަފާރި ވެއްޓިގެން ދިއުންގާތެވެ. މި ވޯކްޝޮޕުން ބައިވެރިންނަށް މުވާސަލާތުގެ ފެންވަރު ރަނގަޅުވެ، ހިންގުން ހަރުދަނާވެ، ގޮތްނިންމުން ހަރުދަނާވެ، މީގެ އިތުރުންވެސް އެކި ޤާނޫނާއި ޤަވާއިދުތަކަށް ތަބާވެވި، ރަނގަޅު ގޮތުގައި އޭއައި ބޭނުން ކުރަން ދަސްވެގެން ދާނެއެވެ.

ބައިވެރިންނަށް ދަސްވެގެންދާނެ ކަންތަށް

* ރައްކާތެރިގޮތުގައި އޭއައި ބޭނުން ކުރަން ދަސްވުން
* ދުވަހު މަސައްކަތްތަށް އަވަސްވުން
* އެކި އެކި މުޢާމަލާތުގެ ފެންވަރު ރަނގަޅުވުން
* ސުޕަވައިޒަރުންނަޝާއި މެނޭޖްމަންޓަށް ރަނގަޅުގޮތް ނިންމަން އެހީވެދިނުން
* ޒިންމާދާރު ގޮތެއްގައި އޭއައި ބޭނުން ކުރަން ކެރެން

މި އެއްދުވަހުގެ ވޯކްޝޮޕްގައި ހެމެނިގެންދާނެ ބައިތަށް

* އޭއައިގެ އަސާސީކަންކަމާއި ބޭނުންކުރެވޭނެ ޓޫލްސްތަށް
* ކޮމްޕްލައިންސް، ސިއްރުހިފެހެއްޓުން، ރިސްކް މެނޭޖްމަންޓް
* ނަން ނޭގޭގޮތަށް ރައްކައުތެރިގޮތުގައި ޑާޓާ ގެންގުޅެން ދަސްވުން
* ހަމަޖެހޭގޮތުގައި ރަނގަޅު ސުވާލުކުކޮށް އުފެއްދުންތެރިކަން އިތުރުކުރުން

ސްޓެޓީޖިކް ޕާރޓްނަރުންނަޝާއި މެންބަރުންނަށް ލިބިދޭ އިނާޔަތް

މާޓާޓޯ އިން ވިދާޅުވާގޮތުގައި ތިރީގައި ލިޔެފައިފާ ސްޓެޓީޖިކް ޕާރޓްނަރ އޯގަނައިޒޭޝަން ތަކަށް ބައިވެރިވުމުގައި ހާއްސަ ޑިސްކައުންޓެއް ލިބިގެންދާނެއެވެ.

* ނެޝަނަލް ހޮޓެލް އެންޑް ގެސްޓްހައުސް އެސޯސިއޭޝަން. (އެންއެޗްޖީއޭއެމް)
* ނެޝަނަލް ބޯޓިންގް އެސޯސިއޭޝަން އޮފް މޯލްޑިވްސް. (އެންބީއޭއެމް)
* އިންޓަނޭޝަނަލް ހަލާލް ޓޫރިޒަމް އޯގަނައިޒޭޝަން. (އެއިއެޗްޓީއޯ)
* އިންޓަނޭޝަނަލް ސްޓޫޑަންޓް އައިޑެންޓިޓީކާރޑް ހޯލްޑަރސް. (އައިއެސްއައިސީ)

ބައިވެރިވުމުގެ ފީ

* ޕްރޮގްރާމްގެ ބައިވެރިވުމުގެ ފީ: ޔޫއެސްޑީ 150.00 އެވެ.
* ސްޓެޓީޖިކް ޕާރޓްނަރ މެންބަރުންގެ ފީ: ޔޫއެސްޑީ 100.00 އެވެ.
* ފީގެ ތެރޭގައި މެންދުރު ކެއުމާއި، ސަޔާއި ކޮފީ ލިބިގެން ދާނެއެވެ.

އިވެންޓް ޕާރޓްނަރ

* އޮފިޝަލް ޓްރެވަލް ޕާރޓްނަރ: އޭސް ޓްރެވަލް މޯލްޑިވިސް
* އޮފިޝަލް ހޯސްޓް ޕާރޓްނަރ: މޫކައި ހޮޓެލްސް
* ސަޕޯޓިންގް ޕާރޓްނަރ: ރިސޯޓްލައިފް ޓްރެވަލްސް

މި ވޯކްޝޮޕަކީ ފަތުރުވެރިކަމުގެ ދާއިރާގައި ހަރަކާތްތެރިވާ އެކި ފަރާތްތައް ކަމަށްވާ ޓްރެވަލް އެޖެންޓުންނާއި، ޓުއަރ އޮޕަރޭޓަރުންނާއި، ގެސްޓްހައުސްތަކާއި، އުޅަނދުފަހަރު ދުއްވާ ފަރާތްތަކުގެ އިތުރުން ރިސޯޓްތަކާއި މި ދާއިރާގައި މަސައްކަތްކުރާ ޒުވާން ހުނަރުވެރިން އެއް ފުރާޅެއްގެ ދަށަށް ގެނެސްދޭނެ ވޯކްޝޮޕެކެވެ. މިއީ ފަތުރުވެރިކަމުގެ ސިނާއަތުގެ ގާބިލުކަން އިތުރުކޮށް، މުސްތަގުބަލުގެ ގޮންޖެހުންތަކަށް މި ދާއިރާ ތައްޔާރުކުރުމަށް މަޓާޓޯއިން ކުރަމުންދާ މަސައްކަތްތައް އިތުރަށް ހަރުދަނާކުރުމުގެ މަގުސަދުގައި ބާއްވާ ވޯކްޝޮޕެކެވެ.