އދ. މާމިގިލީގެ މަގުތަކުގައި އަލުން ތާރު އެޅުމުގެ މަސައްކަތް ހައުސިން މިނިސްޓަރު ޑރ. އަބްދުﷲ މުއްތަލިބު ފައްޓަވައިދެއްވައިފިއެވެ.
މާމިގިލީގެ ބޮޑެތި މަގުތަކުގައި 2018 ގައި ތާރު އަޅަން ފެށީ ދެ އަހަރުން ނިންމާ ގޮތަށެވެ. އެކަމަކު އެންމެ މަގެއް ވެސް ނުނިންމައި މަސައްކަތް ވަކި ހިސާބަކުން ވަނީ ހުއްޓިފައެވެ.
މިދިޔަ ސަރުކާރުން ވަނީ ދެ އަހަރުގެ ތެރޭގައި އެ މަސައްކަތް ނިންމާގޮތަށް އާރްޑީސީއާ ހަވާލުކޮށްފައެވެ. ނަމަވެސް މިހާތަނަށް ވެސް އެ މަސައްކަތް އޮތީ ނުފެށިއެވެ.
މާމިގިލީގެ މަގުތަކުގައި ތާރުއެޅުމުގެ މަސައްކަތް ފެށުމުގެ ރަސްމިއްޔާތުގައި އާރުޑީސީގެ މެނޭޖިން ޑިރެކްޓަރު އިބްރާހީމް ނަޒީމާއި މާމިގިލީ ކައުންސިލަރުން ވެސް ބައިވެރިވެވަޑައިގަތެވެ.
އާރްޑީސީން އަންނަނީ ރާއްޖޭގެ އެކި ރަށްރަށުގެ މަގުތައް ޒަމާނީގެންވަރަށް ތަރައްގީކުރުމުގެ މަސައްކަތް ކުރަމުންނެވެ.
ކިޔުންތެރިންގެ ހިޔާލު