ރިޔާސީ އިންތިހާބާއި މަޖިލިސް އިންތިހާބު އެކުއެކީ ބާއްވަން ރައީސް ނަޝީދު ތާއީދު ކުރައްވައިފިއެވެ.
އެކްސްގައި ކުރެއްވި ޕޯސްޓެއްގައި ރައީސް ނަޝީދު ވިދާޅުވީ ރިޔާސީ އިންތިހާބާއި މަޖިލިސް އިންތިހާބު އެއް ދުވަހެއްގައި ބޭއްވުމަށް އެމަނިކުފާނު ތާއީދު ކުރައްވާ ކަމަށެވެ.
އެ ދެ އިންތިހާބު އެއްކޮށް ބާއްވާން ރައްޔިތުންގެ ފެންނަ ނުފެންނަ ވޯޓެއް ނަގާނެ ކަމަށް ރައީސް ޑރ. މުހައްމަދު މުއިއްޒު ވަނީ މީގެކުރިން ވިދާޅުވެފަ އެވެ.
އެކަންކުރުމަށްޓަކައި ގާނޫނުއަސާސީއަށް ހުށަހަޅާފައިވާ އިސްލާހު ފާސްކުރުމަށްޓަކައި މަޖިލީހުގެ ޖަލްސާއެއް މާދަމާ ބާއްވަން ވަނީ ނިންމާފައެވެ. އެއީ ދައުރުން ބޭރުން ބާއްވާ ޖަލްސާއެކެވެ.
ރައީސް މުއިއްޒު ވިދާޅުވީ އެފަދަ ބަދަލެއް ގެންނަން ބޭނުންފުޅުވަނީ ދައުލަތުގެ ހަރަދު ކުޑަކުރެއްވުމަށް ކަމަށެވެ.
ކިޔުންތެރިންގެ ހިޔާލު