ރޭޕްގެ ތުހުމަތު ކުރެވިފައިވާ ގދ. ވާދޫ، ސަބާހާ މަންޒިލް، އިޒާމް ޒާހިރު 15 އަހަރަށް ޖަލަށްލާން ކްރިމިނަލް ކޯޓުން މިއަދު ހުކުމް ކޮށްފިއެވެ.
އުމުރުން 25 އަހަރުގެ އިޒާމްގެ މައްޗަށް ދައުލަތުން އުފުލި ރޭޕްގެ ދައުވާގެ ހުކުމް ނީއްވި މިހާތަނަށް އޮތީ އޭނާ ފިލައިގެން އުޅުމުގެ ސަބަބުންނެވެ.
އޭނާ ހޯދަން ފުލުހުން ކުރި މަސައްކަތުން އަހަރެއް ވީއިރުވެސް ކާމިޔާބެއް ނުވިއެވެ. އެހެންވެ ސޯޝަލް މީޑިއާގައި އޭނާގެ ފޮޓޯ އާންމުކޮށް ހޯދަން ބައެއް ފަރާތްތަކުން އެހީތެރިވިއެވެ.
އެންމެފަހުން އޭނާ ވަނީ އަމިއްލައަށް ފުލުސް އޮފީހަށް ހާޒިރުވެފައެވެ. ހާޒިރުވުމާއެކު އޭނާ ވަނީ ހައްޔަރުކޮށްފައެވެ.
މިއަދު ހެނދުނު ކްރިމިނަލް ކޯޓުގައި ބޭއްވި އަޑުއެހުމުގައި ވަނީ އޭނާގެ މައްޗަށް ރޭޕްގެ ދައުވާ ސާބިތުވާ ކަމަށް ކަނޑައަޅައި ހުކުމް އިއްވާފައެވެ.
ކިޔުންތެރިންގެ ހިޔާލު