އައިޖީއެމްއެޗްގެ ނާސިން ސްޓޭޝަނަކުން ވައްކަން ކުރި މީހަކު ހައްޔަރުކޮށްފިއެވެ.
އެ މައްސަލާގައި ހައްޔަރުކުރީ 37 އަހަރުގެ ދިވެއްސެކެވެ. އެއީ ގިނަ އަދަދެއްގެ ކުށުގެ ރެކޯޑު އޮތް މީހެކެވެ.
އޭނާގެ ފަރާތުން މުޖުތަމައުގެ ސަލާމަތަށް ނުރައްކާވެދާނެތީ، ކަސްޓޯޑިއަލް ޖަލެއްގައި އޭނާ ފަސް ދުވަހަށް ބަންދު ކުރަން ކްރިމިނަލް ކޯޓުން ވަނީ އިއްޔެ އަމުރުކޮށްފައެވެ.
ކްރިމިނަލް ކޯޓުން ނެރުނު އަމުރުގައިވާ ގޮތުން ތުހުމަތު ކުރެވޭ ކުށް ކުރި ކުރިކަން ބަޔާންކޮށްދިނުމުގެ ގޮތުން ސީސީޓީވީ ފުޓޭޖް ފުލުހުން ހުށަހަޅާފައިވާ ކަމަށެވެ.
ރާއްޖޭގައި އެންމެ ގިނައިން ވައްކަން ކުރަނީ މާލޭގައިކަން ފުލުހުންގެ ތަފާސްހިސާބުތަކުން އެނގެއެވެ.
ކިޔުންތެރިންގެ ހިޔާލު