ތޫފާން ދިތުވާގެ ސަބަބުން ސްރީލަންކާއަށް ލިބުނު ގެއްލުންތަކުން އަރައިގަތުމަށް ދިވެހިރާއްޖެއިން ވެދިން އެހީތެރިކަމަށް އެޤައުމުގެ ރައީސް އަނުރަ ކުމާރަ ދިސާނަޔަކަ ޝުކުރު އަދާކުރައްވައިފިއެވެ.

އެކްސްގައި ކުރެއްވި ޕޯސްޓެއްގައި ލަންކާގެ ރައީސް ވިދާޅުވީ ރައީސް ޑރ. މުޙައްމަދު މުޢިއްޒު ފޮނުއްވި ހެޔޮދުޢާގެ މެސެޖާއި ދިވެހިން ދެއްކި އިޚްލާޞްތެރިކަމުން ދެޤައުމުގެ ޒަމާންވީ ގުޅުމުގެ ވަރުގަދަކަން ހާމަވެގެން ހިނގައްޖެ ކަމަށެވެ.

ދިވެހި ސަރުކާރުން ވަނީ 50،000 ޑޮލަރާއި 25،000 މަސްދަޅު ކޭސް ލަންކާއަށް ހަދިޔާކޮށްފައެވެ. އެސްޓީއޯގެ ބޯޓު މިހާރު ވަނީ މަސްދަޅު ހިފައިގެން ލަންކާއަށް ބަނދަރުކޮށްފައެވެ. މީގެ އިތުރުން ދިވެހި މީޑިއާތަކުން ހިންގި ތެލެތޯނުން 11.5 މިލިއަނަށްވުރެ ގިނަ ރުފިޔާއާއި 51،000 އަށްވުރެ ގިނަ ޑޮލަރު ވަނީ އެއްކޮށްފައެވެ.