ކުޅުދުއްފުށި ސިޓީ ބޯޒިޔާރާތް ބީޗް ތަރައްޤީކުރުމުގެ %90 އިންސައްތަ މަސައްކަތް ނިންމާލައިފިއެވެ.
ސިޓީ ކައުންސިލުން އިސްނަގައިގެން ކުރިއަށް ގެންދާ މި މަޝްރޫޢު އަކީ، އަމިއްލަ ކުންފުންޏެއް ކަމަށްވާ ޕްލަސް ބީ ޕްރައިވެޓް ލިމިޓެޑް އާއި ހަވާލުކޮށްގެން ކުރިއަށްގެންދާ މަޝްރޫޢުއެކެވެ.
މިގޮތުން މި ވަގުތު އެ ސަރަހައްދުގައި ކުރިއަށް ދަނީ ގޮނޑުދޮށް ހެދުމުގެ އެންމެ ފަހުގެ މަސައްކަތްތަކެވެ.
މި މަސައްކަތަކީ ބޯޒިޔާރާތް ބީޗް ސަރަހައްދުގެ ގޮނޑުދޮށް ހިމާޔާތްކުރުމުގެ ގޮތުން، ވަކިން، ބެންޒީ ޕްރައިވެޓް ލިމިޓެޑް ކިޔާ ކުންފުންޏަކާއި ހަވާލުކޮށްގެން ކުރިއަށްގެންދާ މަސައްކަތެކެވެ.
ކުޅުދުއްފުށީ ބޯޒިޔާރާތް ބީޗް ތަރައްޤީކުރުމުގެ މަސައްކަތަކީ، އެ ސިޓީގެ ރައްޔިތުންގެ ނުހަނު ބޮޑު އެދުމަކާއެކު ސިޓީ ކައުންސިލުން ޚާއްސަ އިސްކަމެއްދީގެން ތަރައްޤީކުރާ ބޮޑު މަޝްރޫޢު އެކެވެ. މިގޮތުން މި މަޝްރޫޢުއަށް ސިޓީ ކައުންސިލުން ވަނީ 3 މިލިއަން ރުފިޔާ އަށް ވުރެއް ގިނަ ހަރަދު ކޮށްފައެވެ.
ކިޔުންތެރިންގެ ހިޔާލު