މިއަހަރުގެ ޖުލައި މަހުގެ 12 ވަނަ ދުވަހުގެ ރޭ ދަންވަރުގެ ވަގުތެއްގައި އަނިޔާވެރި ގޮތަކަށް އއ. މާޅޮސް، އޯކިޑްމާގެ އަބްދުއްރަހުމާން އާދަމް މަރާލި މައްސަލައިގައި ހައްޔަރުކުރި ތިން މީހުންގެ މައްޗަށް ދައުވާ އުފުލައިފިއެވެ.
އެ މައްސަލާގައި ދައުވާ ކޮށްފައި ވަނީ އއ. މާޅޮސް، ފިޔަ، އަހްމަދު އާޝިދު އާއި ލިލީފެހި، މުހައްމަދު ވިސާމާއި ފިނިވާގެ، އަހްމަދު ފާރިސްގެ މައްޗަށެވެ.
ޕްރޮސިކިއުޓާ ޖެނެރަލް (ޕީޖީ) އޮފީހުން މިއަދު ބުނީ މިއަހަރުގެ ޖުލައިމަހުގެ 13 ވަނަ ދުވަހުގެ ދަންވަރުގެ ވަގުތެއްގައި އަބްދުއްރަހުމާން ކޮޓަރީގައި ނިދާފަ އޮއްވައި، ފުރާނައަށް ގެއްލުން ލިބޭފަދަ ބޮޑެތި ޒަހަމްތަކެއްދީ މަރާލާފައިވާ ކަމަށެވެ. އެ މައްސަލައާ ގުޅިގެން އާޝިދުގެ މައްޗަށް އުފުލީ ނުރައްކާތެރި ހަތިޔާރެއް ބޭނުންކޮށްގެން ގަސްތުގައި މީހަކު މެރުމުގެ ދައުވާ އެވެ.
ފާރިޝް އާއި ވިސާމްގެ މައްޗަށް އުފުލީ ގަސްތުގައި މީހަކު މަރާލުމުގައި ބައިވެރިވި ކަމުގެ ދައުވާ އެވެ.
ކިޔުންތެރިންގެ ހިޔާލު