މިއަހަރުގެ މިހާތަނަށް އެސްއެމްއީ ޑިޖިޓަލުން ކުދި އަދި މެދު ފަންތީގެ ވިޔަފާރިތަކަށް 117 މިލިޔަނަށްވުރެ ގިނަ ރުފިޔާގެ ލޯނު ދޫކޮށްފިއެވެ. މިދިޔަ އަހަރުގެ ޖަނަވަރީ 1 އިން ފެށިގެން މިހާތަނަށް ޖުމްލަ 573 ފަރާތަކަށް 335 މިލިޔަނަށްވުރެ ގިނަ ރުފިޔާގެ ލޯނު ދޫކޮށްފައިވެއެވެ.

މިއަހަރު އެންމެ ގިނަ އަދަދެއްގެ ފައިސާ ދޫކުރެވުނީ ރަށު ފަތުރު ލޯނު ސްކީމުގެ ދަށުން؛ އެއީ 32 ލޯނަށް 41.21 މިލިޔަން ރުފިޔާއެވެ.

އެސްއެމްއީ ޑިޖިޓަލަކީ ކުދި އަދި މެދުފަންތީގެ ވިޔަފާރިތައް ފެށުމާއި، ކުރިއެރުވުމަށް މާލީ އެހީތެރިކަން ފޯރުކޮށްދޭ ކުންފުންޏެކެވެ.

އެ ކުންފުނިން ފަތުރުވެރިކަން، މަސްވެރިކަން، ދަނޑުވެރިކަން ލައިގެން ޖުމްލަ 8 ދާއިރާއަކަށް ލޯނު ދޫކުރަމުންދާއިރު، ރަށުގައި ތިބެގެން ވެސް އޮންލައިންކޮށް ލޯނަށް ހުށަހެޅޭނެއެވެ.

އަހަރުގެ މިހާތަނަށް ދޫކުރި ލޯނުތަކުގެ ތަފްސީލު
* ރަށު ފަތުރު – 32 ލޯނު – 41.21 މިލިޔަން ރުފިޔާ
* މުރާބަހާ އާރްއެސްޑަބްލިއު ފައިނޭންސިން – 24 ލޯނު – 23.5 މިލިޔަން ރުފިޔާ
* ވިޔަފާރި އެހީ – 56 ލޯނު – 23.1 މިލިޔަން ރުފިޔާ
* ކަނޑުފަޅުގެ ނަފާ – 30 ލޯނު – 8.8 މިލިޔަން ރުފިޔާ
* ހަރު މުދާ – 10 ލޯނު – 7.7 މިލިޔަން ރުފިޔާ
* ފަށާ މަދަދު – 43 ލޯނު – 6.3 މިލިޔަން ރުފިޔާ
* ވިޔަފާރި ތަރައްޤީ – 7 ލޯނު – 3.6 މިލިޔަން ރުފިޔާ
* ފަށާ ވިޔަފާރި – 9 ލޯނު – 1.7 މިލިޔަން ރުފިޔާ
* ދަނޑުވެރި ނަފާ – 6 ލޯނު – 1.1 މިލިޔަން ރުފިޔާ
* ދަނޑުވެރި މަންފާ – 6 ލޯނު – 495,256 ރުފިޔާ