ކ. ކާށިދޫގެ މުދާ އުފުލާ ބޯޓެއް އެ ރަށު ފަރަށް އަރައި، އެ ބޯޓުން ދަތުރުކުރަމުން ދިޔަ މީހަކު ގެއްލިގެން ހޯދަނިކޮށް މަރުވެފައި އޮއްވާ ފެނިއްޖެއެވެ.

އެމްއެންޑީއެފުން ބުނީ މާލެއިން ފުރައިގެން ކާށިދޫ އަށް ދަތުރު ކުރި ‘ފައިސަލާ’ ބޯޓު، ކާށިދޫގެ ފަރަށް އަރައިގެން އުޅޭ ކަމުގެ މައުލޫމާތު ލިބިގެން ސިފައިން ހަރަކާތްތެރި ވަމުންދާ ކަމަށެވެ.

އެ އުޅަނދުން 11 މީހުން ދަތުރުކުރި ކަމަށާއި، އޭގެތެރެއިން 10 މީހުން ފުލުހުން ވަނީ ސަލާމަތްކޮށްފައެވެ. ގެއްލިފައިވާ މީހާ ހޯދުމުގެ މަސައްކަތް ކުރަމުން ދަނިކޮށް މަރުވެފައި އޮއްވައި އެ ރަށުގެ ފަރުމަތިން ފެނިފައިވާ ކަމަށް ފުލުހުން ބުންޏެވެ.

އެ ހާދިސާގައި މަރުވީ ބަނގުލަދޭޝް މީހެއް ކަމަށްވާ އެމްޑީ އަލަމްގީރް، 30 އެވެ.

އެ ދޯނި ފަރަށް އެރީ، މިރޭ 20:00 ހާއިރުއެވެ.