ކުއްލި ޚަބަރު

ސްޓެލްކޯގެ ވިއުގަ އަޕްގްރޭޑް ކުރާތީ މިއަދުވެސް މާލެއިން ކަރަންޓް ދާނެ

އައްޑޫ ސިޓީގައި ވަޤުފް އިމާރާތެއް ބިނާކުރަން އަމިއްލަ ކުންފުންޏަކާ ހަވާލުކޮށްފި

ފޭދޫގައި 500 މީހުންގެ ޖާގައިގެ މިސްކިތެއް އިމާރާތް ކުރުމުގެ އަމަލީ މަސައްކަތް ފަށައިފި

ބަޖެޓު ދިރާސާ ކުރާ ކޮމިޓީގެ މުގައްރިރަކަށް ސަލީމް، ނައިބަކަށް އަލީ ފަޒާދު

ސަރުކާރުގެ ފަރާތުން ހުށަހަޅުއްވާފައިވާ 2026ވަނަ އަހަރަށް ލަފާ ކުރާ ދައުލަތުގެ ބަޖެޓު ދިރާސާކުރުމަށް އެކުލަވާލާފައިވާ ރައްޔިތުންގެ މަޖިލީހުގެ ކޮމިޓީގެ މުގައްރިރަކަށް އޭދަފުށީ ދާއިރާގެ މެންބަރު އަހުމަދު ސަލީމް އައްޔަން ކުރައްވައިފިއެވެ. ބަޖެޓު ދިރާސާ ކުރާ ކޮމިޓިގެ މުގައްރިރާއި ނައިބު މުގައްރިރު އައްޔަން ކުރައްވާފައިވަނީ އެ ކޮމިޓީގެ ފުރަތަމަ ބައްދަލުވުމުގައެވެ.

ބަޖެޓް ދިރާސާ ކުރާ ކޮމިޓީ އެކުލަވާލާފައިވަނީ ރައްޔިތުންގެ މަޖިލީހުގެ މާލިއްޔަތު ކޮމިޓީއާއި އިގްތިސާދީ ކޮމިޓީ ގުޅިގެންނެވެ. އެގޮތުން މި ކޮމިޓީގައި 22 މެންބަރުން ތިއްބަވާނެއެވެ.

ބަޖެޓް ދިރާސާ ކުރާ ކޮމިޓީގެ މެންބަރުން

  • ހުޅުމާލެ ދެކުނު ދާއިރާގެ މެންބަރު ޑރ. އަޙްމަދު ޝަމްހީދު
  • މައްޗަންގޯޅި މެދު ދާއިރާގެ މެންބަރު އަހުމަދު ޟަމީރު
  • ކެލާ ދާއިރާގެ މެންބަރު ޢަބްދުﷲ ޝަރީފް
  • ހަނިމާދޫ ދާއިރާގެ މެންބަރު ޢަބްދުއްޣަފޫރު މޫސާ
  • ކަނޑިތީމު ދާއިރާގެ މެންބަރު އަމީން ފައިސަލް
  • ފުނަދޫ ދާއިރާގެ މެންބަރު މުޙައްމަދު މަމްދޫހު
  • ކެނދިކުޅުދޫ ދާއިރާގެ މެންބަރު މުޙައްމަދު ޢަފޫ ހާމިދު
  • ވެލިދޫ ދާއިރާގެ މެންބަރު މުޙައްމަދު ޢައްބާސް
  • އޭދަފުށި ދާއިރާގެ މެންބަރު އަޙްމަދު ސަލީމް
  • ކުރެންދޫ ދާއިރާގެ މެންބަރު މުޙައްމަދު ޝާމިން ހަބީބު
  • މާމިގިލި ދާއިރާގެ މެންބަރު ގާސިމް އިބްރާހިމް
  • ދިއްގަރު ދާއިރާގެ މެންބަރު އަހުމަދު ނާޒިމް
  • ގުރައިދޫ ދާއިރާގެ މެންބަރު ހަނާން މުޙައްމަދު ރަޝީދު
  • ގެމަނަފުށި ދާއިރާގެ މެންބަރު އަސަދުﷲ ޝިހާބު
  • ތިނަދޫ ދާއިރާގެ މެންބަރު އުތުރު ސައުދުﷲ ހިލްމީ
  • ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު
  • ފުވައްމުލައް އުތުރު ދާއިރާގެ މެންބަރު ޙަމަދު ޢަބްދުﷲ
  • ފުވައްމުލައް މެދު ދާއިރާގެ މެންބަރު ޢަލީ ފަޒާދު
  • ފޭދޫ އުތުރު ދާއިރާގެ މެންބަރު އިސްމާޢިލް ނިޒާރު
  • މަރަދޫ ދާއިރާގެ މެންބަރު އަހްމަދު ދީދީ
  • ހިތަދޫ މެދު ދާއިރާގެ މެންބަރު އަހުމަދު އަޒާން މަރުޒޫގު
  • ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް

ބަޖެޓް ކޮމިޓީގެ ބައްދަލުވުމުގައި ކޮމިޓީގެ މުގައްރިރަކަށް އޭދަފުށި ދާއިރާގެ މެންބަރު އަހުމަދު ސަލީމާއި ނައިބު މުގައްރިރަކަށް ފުވައްމުލަކު މެދު ދާއިރާގެމެންބަރު އަލީ ފަޒާދުގެ ނަން ހުށަހެޅުއްވީ ފުނަދޫ ދާއިރާގެ މެންބަރު މުޙައްމަދު މަމްދޫހެވެ. އެ ދެ ނަން ފާސްކޮށްފައިވަނީ ކޮމިޓީ ބައްދަލުވުމުގައި ބައިވެރިވެވަޑައިގެންނެވި މެންބަރުންގެ އިއްތިފާގުންނެވެ.

މިދިޔަ އަހަރު އެކުލަވައިލި ބަޖެޓް ދިރާސާކުރާ ކޮމިޓީގައި މުގައްރިރަކަށް ހުންނެވީ ފަޒާދެވެ. އަދި ނައިބަކަށް ހުންނެވީ ސަލީމެވެ. މިއީ ކޮންމެ އަހަރަކު އުފައްދާ ވަގުތީ ކޮމިޓީއެކެވެ.

އެ ކޮމިޓީ ބައްދަލުވުމުގައި މި މަހުގެ 19ވަނަ ދުވަހަށް ބަޖެޓުގެ ކަންކަން ނިންމައި ރިޕޯޓު ހުށަހެޅުމަށް ވަނީ ނިންމާފައެވެ.

ރައްޔިތުންގެ މަޖިލީހުގެ އާންމު ކޮމިޓީން ވަނީ ބަޖެޓަށް ބަހުސްކުރުން ކުރިއަށްދާނެ ގޮތް މީގެކުރިން ފާސްކޮށްފައެވެ. އެގޮތުން، ބަޖެޓަށް ބަހުސް ކުރުމަށް ކޮންމެ މެންބަރަކަށް 15 މިނެޓުގެ ވަގުތެއް ދޭއިރު ވަޒީރާ ސުވާލުކުރުމަށް 45 މިނެޓު އަދި ބަޖެޓު ދިރާސާކުރާ ކޮމިޓީގެ ރިޕޯޓަށް ބަހުސް ކުރުމަށް ކޮންމެ މެންބަރަކަށް 7 މިނެޓުގެ ވަގުތެއް ދިނުމަށް ކޮމިޓީން ވަނީ ފާސްކޮށްފައެވެ.

އަންނަ އަހަރަށް ސަރުކާރުން ވަނީ 64.2 ބިލިޔަން ރުފިޔާގެ ބަޖެޓެއް ހުށަހަޅުއްވާފައެވެ. ބަޖެޓް ދިރާސާ ކުރާނީ އެކަމަށް ޚާއްސަ ކޮމިޓީންނެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

Majlis

ކޮލެޖެއް ހިންގާތާ 15 އަހަރުވެފައިވާނަމަ، ޔުނިވާސިޓީއަކަށް ބަދަލުކުރެވޭ އިސްލާހު ފާސްކޮށްފި

majilis

އެސްއީޒެޑް ބިލު މުޅި މަޖިލީހުގެ ކޮމިޓީއިން ފާސްކޮށްފި

nazim majilis

ކުށްވެރިން ސަލާމަތްވެވޭ ގޮތަށް ގާނޫނުގައި ހުންނަ ބާގަނޑުތައް ބަންދުކުރަންޖެހޭ: ނާޒިމް

majilis

ބަޖެޓަށް ބަހުސް ކުރުމަށް ކޮންމެ މެންބަރަކަށް 15 މިނެޓު

TTH_advertisement