ފުވައްމުލަކު ސިޓީގެ ފެން ޕްލާންޓަށް ދިމާވި މައްސަލަ ޙައްލުކޮށް، ޚިދުމަތް ދޭން ފެނަކައިން ފަށައިފިއެވެ.
ފެނަކައިން ބުނީ، ފުވައްމުލަކުގައި ފެނުގެ ހިދުމަތް ދެމުންގެންދާ 2 ފެން ޕްލާންޓްގެ ތެރެއިން އެއް ޕްލާންޓްގެ ކަނެކްޝަނަށް މައްސަލަ ދިމާވެ އެކަން އެ ކުންފުނީގެ މުވައްޒަފުންގެ ސަމާލުކަމަށް އައުމާއެކު އެ މައްސަލަ ދެނެގަތުމަށް ކުރި މަސައްކަތުން އެ ޕްލާންޓްގެ ފެނުގެ ނެޓްވޯކްގައި ލޮނުގެ އަސަރު ހުރިކަން އެ ކުންފުނީގެ ޓެކްނިކަލް ޓީމަށް ފާހަގަކުރެވުނު ކަމަށެވެ.
އަދި އެކަން ހައްލުކުރުމަށްޓަކައި އެ ސިޓީގެ ފެނުގެ ހިދުމަތް ވަގުތީގޮތުން މެދުކަނޑާލިކަމަށާއި، އެހެން ނަމަވެސް މިހާރު އެ މަސައްކަތް ނިންމައި މުޅި ސިޓީއަށް ފެނުގެ ހިދުމަތް ދީފައިވާ ކަމަށް ފެނަކައިން ބުންޏެވެ.
މި އަހަރުގެ އޭޕްރީލް މަހުގެ ތެރޭގައި ވެސް ފުވައްމުލަކު ސިޓީގެ ފެންޕްލާންޓައް މައްސަލައެއް ދިމާވެގެން ފެނުގެ ޚިދުމަތް މެދުކެނޑުނެވެ. އެހެން ނަމަވެސް އެކަން ވެސް ފެނަކައިން ވަނީ ވަރަށް އަވަހަށް ޙައްލުކޮށްފައެވެ.
ކިޔުންތެރިންގެ ހިޔާލު